ەندى ماجىلىستە كوروناۆيرۋسقا بايلانىستى ماسكا تاعىپ كەلۋ مىندەتتەلدى، - دەپ حابارلايدى Dalanews.kz.
ق ر پرەزيدەنتى ءىس باسقارماسى مەديسينالىق ورتالىعىنىڭ باس سانيتار دارىگەرى وسىنداي قاۋلى شىعارعان.
ول قاۋلىعا سايكەس،7 اقپاننان باستاپ كوروناۆيرۋس ينفەكسياسىنا بايلانىستى ءماجىلىس وتىرىسى وتەتىن عيماراتقا مىندەتتى تۇردە ماسكامەن كەلۋ كەرەك.
ەندى جينالىستار مەن باسقا دا شارالار ونلاين فورماتقا اۋىستىرىلادى نەمەسە ماسكا رەجيمى مەن سانيتارلىق نورمالاردى ساقتاي وتىرىپ وتكىزىلەدى.
"وسىعان وراي، ماجىلىستەگى ءىس-شارالارعا قاتىساتىن جۋرناليستەردەن شەكتەۋلەر رەسمي تۇردە جويىلمايىنشا جوعارىدا اتالعان شارالاردى ساقتاۋدى سۇرايمىز. عيماراتقا كىرەر كەزدە وزىڭىزبەن بىرگە مەديسينالىق ماسكالار الىپ كەلۋىڭىزدى سۇرايمىز"، - دەلىنگەن حابارلامادا.
ەسكە سالايىق، بۇعان دەيىن كوروناۆيرۋس ينفەكسياسى ءماجىلىس ءتوراعاسى ەرلان قوشانوۆتان جانە پرەزيدەنتتىڭ كەڭەسشىسى قانات بوزىمبايەۆتان انىقتالعان بولاتىن.
