Alqaly basqosýda elordadan arnaiy kelgen Májilis depýtaty Nur Otan partiiasy suranysqa ie mamandyqtar boiynsha joǵary bilim alýǵa arnalǵan granttar sanyn 50%-ke kóbeitý, 2025 jylǵa qarai jastardyń barlyǵy kolledjderde suranysqa ie mamandyqtar boiynsha tegin bilim alýdy qamatamasyz etý, 2025 jylǵa deiin stýdentterdiń shákirtaqylary 2 ese, magistranttar men doktoranttardiki 1,5 ese kóterýdi usynyp otyrǵanyn aityp berdi. Óz kezeginde Muhtar Erman myrza:
– Memleketimiz qazirgi tańda jastardy qoldaýǵa airyqsha kóńil bólip otyr. Memleket basshysy Qasym-Jomart Toqaevtyń tapsyrmasy aiasynda jas ǵalymdarǵa jyl saiyn 1000 grant bólý, jylyna shamamen 5 myń adamdy qamtityn «Alǵashqy jumys orny» jobasy iske qosý jáne jas kásipkerlerge jańa biznes-ideialaryn iske asyrýǵa jyl saiyn 10 myń grant berýdi tapsyrdy. Qazirgi tańda Prezidenttiń bul tapsyrmalary shetinen júzege asyp jatyr.
Jastardy qoldaý aiasynda aldaǵy ýaqytta elimizde 30 myńnan asa jas «Bastaý Biznes» jobasynyń sheńberinde óz biznesin ashý daǵdylaryn meńgeretin bolady. Osylaisha el jastaryn Úkimet ekonomikany órkendetýge kóptep tartýda, – dep oiyn ortaǵa saldy.
Kezesýdiń ekinshi bóligi aýdan jastary Muhtar Tildábekulynan komitet jumysyna qatysty, Belarýs memleketi men Qyrǵyz elindegi ahýal, Reseilik depýtattardyń málimdemesi jaily pikiralmasty.
(Material aqysy «Nur Otan» partiiasynyń Túrkistan oblysy Sairam aýdanynyń Sailaý qorynyń esebinen tólendi)
