Kezdesýge 150-ge jýyq ata-ana men qamalǵandardyń týystary keldi. Olar depýtatqa tergeý izoliatorynyń basshylarymen kezdestirýdi, sondai-aq, qamaý ornyna kirip, máseleni óz kózimen kórýge shaqyrdy.
Usynysty qabyl alǵan Májilis depýtaty tergeý izoliatoryna kirip, qamaýdaǵy 93 adamnyń árqaisymen jeke sóilesip, barlyq usynys, aryz-shaǵymdaryn tyńdady.
Sondai-aq onyń qorytyndysy boiynsha ata-analaryna jeke-jeke aqparat berdi. Al erteń tergeý izoliatorynyń basshysy qamalǵandardyń týystarymen taǵy kezdesip, aqparat beredi.
Kezdesýge májilis depýtatymen birge Almaty oblysy prokýratýrasynyń Arnaiy prokýrorlar basqarmasynyń bastyǵy Ermek Jaqsybaev, Almaty oblysy prokýrorynyń orynbasary Iliias Beskempirov, Almaty oblysy ishki saiasat basqarmasynyń basshysy Bolat Kerimbek, «Nur Otan» partiiasy Almaty oblystyq filialy tóraǵasynyń orynbasary, Saiasi keńes Biýrosynyń múshesi Serik Nurqadyrov qatysty.
Májilis depýtaty kezdesý qorytyndysy boiynsha jurtshylyqqa keńirek aqparat beretini týraly habarlady.
QR IIM málimeti boiynsha jappai tártipsizdik kezeńinde Almaty oblysynda qylmys jasady degen kúdikpen 116 adam ustalǵan. Onyń ishinde 44 adamǵa qatysty kúzetpen ustaý túrindegi bultartpaý sharasy qoldanylyp, 9 adam bosatylǵan. Qazirgi kezde 93 adam qalalyq tergeý izoliatorynda qamaýda. Oblystyq Politsiia departamentiniń óndirisinde 390 qylmystyq is bar. Azaptaýlar týraly árbir shaǵymǵa Ishki ister ministriniń tapsyrmasy boiynsha prokýratýra organdarymen qatar IIM-niń Ózindik qaýipsizdik organdary jiti tekserýde. Qandai da bir quqyqtar buzylǵan jaǵdaida, azamattar Bas prokýratýranyń koll-ortalyǵyna 115 telefony arqyly habarlasa alady.
Jalpy oblys boiynsha «Qańtar oqiǵasy» kezinde 758 adam zardap shekken, onyń ishinde 643-i politsiia qyzmetkeri, 78-i áskeriler, 37-si beibit turǵyn. 8 ákimshilik ǵimarat, 68 qyzmettik kólik zaqymdandy, onyń 7-eýi tolyǵymen janyp ketken, sondai-aq 512 qarý urlanǵan.
