كەزدەسۋگە 150-گە جۋىق اتا-انا مەن قامالعانداردىڭ تۋىستارى كەلدٸ. ولار دەپۋتاتقا تەرگەۋ يزولياتورىنىڭ باسشىلارىمەن كەزدەستٸرۋدٸ, سونداي-اق, قاماۋ ورنىنا كٸرٸپ, مەسەلەنٸ ٶز كٶزٸمەن كٶرۋگە شاقىردى.
ۇسىنىستى قابىل العان مەجٸلٸس دەپۋتاتى تەرگەۋ يزولياتورىنا كٸرٸپ, قاماۋداعى 93 ادامنىڭ ەرقايسىمەن جەكە سٶيلەسٸپ, بارلىق ۇسىنىس, ارىز-شاعىمدارىن تىڭدادى.
سونداي-اق ونىڭ قورىتىندىسى بويىنشا اتا-انالارىنا جەكە-جەكە اقپارات بەردٸ. ال ەرتەڭ تەرگەۋ يزولياتورىنىڭ باسشىسى قامالعانداردىڭ تۋىستارىمەن تاعى كەزدەسٸپ, اقپارات بەرەدٸ.
كەزدەسۋگە مەجٸلٸس دەپۋتاتىمەن بٸرگە الماتى وبلىسى پروكۋراتۋراسىنىڭ ارنايى پروكۋرورلار باسقارماسىنىڭ باستىعى ەرمەك جاقسىباەۆ, الماتى وبلىسى پروكۋرورىنىڭ ورىنباسارى ٸليياس بەسكەمپٸروۆ, الماتى وبلىسى ٸشكٸ ساياسات باسقارماسىنىڭ باسشىسى بولات كەرٸمبەك, «Nur Otan» پارتيياسى الماتى وبلىستىق فيليالى تٶراعاسىنىڭ ورىنباسارى, ساياسي كەڭەس بيۋروسىنىڭ مٷشەسٸ سەرٸك نۇرقادىروۆ قاتىستى.
مەجٸلٸس دەپۋتاتى كەزدەسۋ قورىتىندىسى بويىنشا جۇرتشىلىققا كەڭٸرەك اقپارات بەرەتٸنٸ تۋرالى حابارلادى.
قر ٸٸم مەلٸمەتٸ بويىنشا جاپپاي تەرتٸپسٸزدٸك كەزەڭٸندە الماتى وبلىسىندا قىلمىس جاسادى دەگەن كٷدٸكپەن 116 ادام ۇستالعان. ونىڭ ٸشٸندە 44 ادامعا قاتىستى كٷزەتپەن ۇستاۋ تٷرٸندەگٸ بۇلتارتپاۋ شاراسى قولدانىلىپ, 9 ادام بوساتىلعان. قازٸرگٸ كەزدە 93 ادام قالالىق تەرگەۋ يزولياتورىندا قاماۋدا. وبلىستىق پوليتسييا دەپارتامەنتٸنٸڭ ٶندٸرٸسٸندە 390 قىلمىستىق ٸس بار. ازاپتاۋلار تۋرالى ەربٸر شاعىمعا ٸشكٸ ٸستەر مينيسترٸنٸڭ تاپسىرماسى بويىنشا پروكۋراتۋرا ورگاندارىمەن قاتار ٸٸم-نٸڭ ٶزٸندٸك قاۋٸپسٸزدٸك ورگاندارى جٸتٸ تەكسەرۋدە. قانداي دا بٸر قۇقىقتار بۇزىلعان جاعدايدا, ازاماتتار باس پروكۋراتۋرانىڭ كولل-ورتالىعىنا 115 تەلەفونى ارقىلى حابارلاسا الادى.
جالپى وبلىس بويىنشا «قاڭتار وقيعاسى» كەزٸندە 758 ادام زارداپ شەككەن, ونىڭ ٸشٸندە 643-ٸ پوليتسييا قىزمەتكەرٸ, 78-ٸ ەسكەريلەر, 37-سٸ بەيبٸت تۇرعىن. 8 ەكٸمشٸلٸك عيمارات, 68 قىزمەتتٸك كٶلٸك زاقىمداندى, ونىڭ 7-ەۋٸ تولىعىمەن جانىپ كەتكەن, سونداي-اق 512 قارۋ ۇرلانعان.
