Tanymal qarjy sarapshysy Aibar Oljai Magnum-ǵa qatysty halyq kókeiindegi ózekti máseleni qozǵap, pikir bildirdi, dep habarlaidy Dalanews.kz.
Onyń sózinshe, senbide Almatydaǵy "Jetisý" yqsham aýdanyndaǵy irgeli Magnýmǵa bas suǵyp, gipermarket sóresinen otandyq ónimdi taba almaǵan.
"Bul tarihtaǵy eń tuńǵysh Magným gipermarketi. Osy dúken jaqsy tabys ákelgennen keiin, Magným saýda jelisi retinde odan ári damyǵan bolatyn. Sórelerdi on ainalyp, ózimizdiń otandyq maionezdi taba almadym. Izdegenim Almatyda óndiriletin "3 jelanie" maionezi bolatyn. Gipermarket qyzmetkeri qazirgi tańda qazaqstandyq maionezdiń satylmaityndyǵyn rastady. Magným Qazaqstandyq maionezdi alyp tastap, ornyna Reseidiń "Makeev" maionezin toltyryp tastaǵan. Buǵan deiin de, jarmalar men suiyq mai pozitsiialarynda Magnýmnyń otandyq emes, reseilik taýarlardy kóbirek ótkizýge tyrysatyndyǵyn baiqap júrgen bolatynmyn. Biraq bul jolǵysy ábden shekten shyqty. Magným jekemenshik biznes. Ol qazaqstandyq ónimdi múlde satpai, sórelerdi Braziliianyń býbýzelasymen toltyryp qoisa da óz erki. Biraq ondaiy bar bolatyn bolsa, memleketten ne úshin 0,01 paiyzben tegin aqsha alyp otyr degen suraq týyndaidy. Sońǵy 5 jylda Magným bir Almatynyń ózinen keminde 13 milliard teńge kómek alǵan. Al basqa óńirlerdi qosa alsaq, joq degende 17-18 milliard teńge shyǵýy múmkin", - deidi sarapshy.
Bul rette sarapshy Saýda ministrligi tarapynan úlken logikalyq qatelik baryn aitty.
"Olar Magným siiaqty iri saýda jelilerine paiyzsyz nesie taratyp otyrǵanda tek belgili bir áleýmettik azyq-túlikke baǵany ósirmeý boiynsha talap qoiady. Biraq "ol taýar otandyq bolýy tiis" degen shart joq. Sondyqtan mysaly, "arzan sút sat" dep talap qoiyp, memlekettik kómek berilgende, Magným ol aqshany alyp, Belarýstyń arzan sútin satyp otyra alady. Ol bizdiń otandyq taýar óndirýshini qoldaý boiynsha ekonomikalyq logikamyzǵa, osy salaǵa beriletin 8 trillion teńge investitsiiamyzǵa múlde qaishy, qarama-qarsy sheshim", - deidi ol.
Qarjy sarapshysynyń sózinshe, qazir Básekelistikti qorǵaý jáne damytý agenttigi men Magným arasynda birshama teketires bar. Sebebi Magným taýar satyp paida kórýdiń ornyna, taýar óndirýshilerge túrli jarnamalyq, sóredegi oryndar boiynsha tarifter qoiyp, soǵan qosymsha aqsha tóleýge májbúrlep, negizgi tabysty sodan alatyn bolǵan. Al bul qylyǵy otandyq taýar óndirýshilerge aýyr tiip otyrǵan kórinedi.
"Magným basshylyǵy strategiialyq jaǵynan óte taiaz oilap otyr. Olar qazir áldebir ideologiialyq nemese qysqamerzimdi kelisimder esebinen Resei ekonomikasyna kómekteskisi keledi. Osyndai sharýalary arqasynda Qazaqstannyń Reseiden alatyn azyq-túlik importy 2024 jyly 10 paiyzǵa ósip ketti. Qazir Reseiden 1,9 milliard dollarǵa azyq-túlik alamyz. Endi osy 2 milliardtyq aqsha kanaly rýbldiń teńgege yqpalyn qamtamasyz etedi de, erteń Reseide mindetti túrde oryn alatyn infliatsiia bizge de áser beredi. Al rýbl qulap ketetin bolsa, ol teńge baǵamyna qysym jasai bastaidy", - deidi ol.
Oǵan qosa Magným eldegi azyq-túlik saýdasynyń 8 paiyz úlesin alyp otyr.
"Bul - eń úlken úles. Onyń otandyq óndirýshilerdi qoldamaýy, ónimderin sóreden alyp tastaýy bizdiń óndirýshilerdiń satý kólemin azaityp, jaǵdaiyn nasharlatady. Bul tiisinshe olardyń qyzmetkerleriniń ailyǵynyń óspeýine, jumys oryndarynyń qysqarýyna alyp keledi. Turmysy nasharlap qalǵan adamdar Magnýmnan tamaq alýyn azaitady. Sonda Magnýmnyń ózi otyrǵan butaqty óz qolymen kesip jatqandyǵyn aiqyn kóremiz. Jáne ol bul qylyǵymen Qazaqstan ekonomikasynyń turaqtylyǵy men ósýine qarsy jumys istep jatyr", - deidi sarapshy.
Aibar Oljai bul tusta eki ǵana jol baryn aitty.
"Ne Magnýmǵa memleketten aqsha bólinbeý kerek. Olar bilgenin satsyn. Ne Magnýmǵa memleketten aqsha bóliný jalǵassa, onda otandyq azyq-túlikti qandai jaǵdai bolmasyn sóreden alyp tastaýǵa tiym salý kerek. Qazaqstan - Ortalyq Aziianyń maionez derjavasy. Almatydaǵy maqtaýly kásiporyn "Eýrazian Fýd" qazaq maionezin Aýǵanstannan bastap Shyǵys Eýropaǵa deiin satyp otyrǵanda, ózimizdiń eń iri saýda jelisi otandyq maionezdi Reseidiń eshkim jemeitin Makeev markasymen aýystyrǵany Magnum Cash & Carry basshysy Azamat Osmanovtyń atyna úlken syn boldy.
Osy aptada Úkimettegi eń biik kabinetten Magnýmǵa eskertý signaly kelýi tiis. Al juma kúni Jetisýdegi ańyzǵa ainalǵan gipermarketine taǵy baryp, qazaq maioneziniń sóredegi taǵdyryn bir tekseremin. Magným odan sabaq almasa, másele Májilis depýtattaryna jetetin bolady", - dep túiindedi ol sózin.
Aita keteiik, buǵan deiin de Magnum-nyń basy daýǵa qaldy. Áleýmettik jelilerde Magnum sýpermarketter jelisiniń kýreri jumystan shyǵarylýy úlken talqyǵa tústi. Bul jaǵdai kýrer klientten qazaq tilinde sóileýin suraýynan keiin boldy.
Klient Asylhan esimdi azamattyń aitýynsha, ol Magnum-nan azyq-túlikke tapsyrys bergen kezde kýrer odan qazaqsha sóileýdi talap etken. Keiin bul oqiǵa áleýmettik jelide jariialanyp, nátijesinde kýrer jumystan qýylǵan edi. Dese de artynsha ekeýi tatýlasyp, video jariialady.
Klient Asylhan esimdi azamattyń aitýynsha, ol Magnum-nan azyq-túlikke tapsyrys bergen kezde kýrer odan qazaqsha sóileýdi talap etken. Keiin bul oqiǵa áleýmettik jelide jariialanyp, nátijesinde kýrer jumystan qýylǵan edi. Dese de artynsha ekeýi tatýlasyp, video jariialady.
