Onyń aitýynda, ótken jyly Qazaqstandaǵy tikelei sheteldik investitsiia kólemi 30 paiyzǵa tómendegen.
"Indet pen sonyń kesirinen týyndaǵan daǵdarys memleketter arasyndaǵy investitsiia tartý básekesin kúsheite tústi. Investor tartýda eldegi investitsiialyq ahýal mańyzdy ról atqarady. Syrtqy ister ministriniń málimetinde, byltyr el ekonomikasyna tikelei sheteldik investitsiialar aǵyny 30 paiyzǵa tómendegen", – dedi Nazarbaeva premer Máminge joldaǵan saýalynda.
Depýtat investklimatty jaqsartý úshin 2018-2022 jyldarǵa arnalǵan Ulttyq investitsiialyq strategiia ázirlengenin Mámin úkimetiniń esine saldy.
Úkimet investitsiialyq jaǵdaidy túzeýde qol qýsyryp otyrǵan joq. Áitse de, investitsiialyq klimatty jaqsartý máselesi aktýaldy bolyp qala bermek, dep atap ótti depýtat.
Osyǵan orai Nazarbaeva Máminnen ilgeridegi strategiia qalai júzege asyp jatqanyn, sońǵy eki jyldyń nátijesi boiynsha negizgi kórsetkishterge qol jetkizildi me, joq pa, sony egjei-tegjeili túsindirip berýdi surady.
"Strategiia jańa investitsiia tartý úshin eń tiimdi bolyp tabylatyn "perspektivaly salalardy" anyqtaidy. Atap aitqanda AKT, týrizm jáne qarjy.
Eldiń osy salalardaǵy básekelestik pozitsiialary kúsheitildi me, strategiiany iske asyrý jyldarynda qandai negizgi investitsiialyq jobalarǵa bastamashylyq etildi?
Osy esepti jyldary eldegi qazirgi investorlardy ustap qalý jáne qaita investitsiialaýdy yntalandyrý úshin qandai naqty sharalar qabyldandy?", - dep saýal joldady halyq qalaýlysy.
Sondai-aq ol investorlardyń shaǵymdary men máselelerin sáikestendirý júiesiniń iske qosylyp-qosylmaǵanyn naqtylaýdy ótindi.
Budan bólek, investitsiialyq jobalarǵa, eldegi investitsiialyq ahýaldyń jai-kúiine júieli túrde taldaý júrgizilip jatyr ma dep surady Nazarbaeva.
...
Buǵan deiin Dalanews.kz caiasattanýshy Seidahmet Quttyqadamnyń Nazarbaevanyń saiasi karerasyna qatysty saraptamasyn jariialaǵan.
"Biliktegi biraz adam saiasi ambitsiiasyn shetke ysyryp, Toqaevqa jol ashsa, saiasi turǵydan tolysqanyn dálelder edi. Olar ózi úshin, ainalyp kelgende el úshin osyndai qadamǵa barýǵa tiis.
Toqaevtyń tusyndaǵy Qazaqstan kóp uzamai damyǵan elge ainalaryna senemin. Al Nazarbaev muragerimen maqtanatyn bolady...", – degen edi Quttyqadam.
Shuǵyl:
https://dalanews.kz/aimak/67601-kishi-taldykol-bul-araga-kariz-qaldyqt
