- Beineúndeýde jóndeý jumystaryn tiisti deńgeide júrgizýge qatysty teris aqparat keltirildi. Sondai-aq jóndeý zaýyty qyzmetkerleriniń kásibi biliktiligi synǵa iligip, dáieksiz aqparatqa jol berildi. Jóndeý zaýyty jumyskerleri energokombinattyń irkilissiz jumysyn qamtamasyz etý úshin múmkindiginshe qyzmet etýde.
Qoldanystaǵy qural-jabdyqtardyń tozýyna bailanysty tótenshe jaǵdailar oryn alatyny jasyryn emes, alaida olar múmkindiginshe qysqa merzimde joiylady.
Kombinat ákimshiligi oblys ákimdigimen birlesip, kombinat jumysyn qarjylandyrý jáne qoldaý maqsatynda júieli jospar negizinde birqatar is-sharalardy júzege asyrady. Áleýmettik jelilerde taraǵan jalǵan aqparat el arasynda dúrbeleń týǵyzady. Al bul óz kezeginde mekemeniń jumysyna keri áserin tigizedi, - dedi «MAEK» JShS jóndeý zaýyty bas injeneriniń orynbasary Qalijan Qabdýlov.
Beineúndeýdi joldaǵandar «MAEK» JShS basshylyǵy men kásipodaq ókilderi jáne qyzmetkerlerdiń qatysýymen kezdesýler ótkizip, eńbek jaǵdailaryn jaqsartý jáne eńbekti qorǵaý máseleleri talqylanatynyn atap ótti.
Sonymen qatar, jumysshylar narazylyǵyn týdyrǵan mańyzdy máselelerdi qaraý jáne sheshý maqsatynda energokombinatta ai saiyn qoǵamdyq keńes ótkiziledi jáne de kásiporyn basshylyǵy azamattar men qyzmetkerlerdi apta saiyn qabyldaý júrgizedi.
Al qurylǵan telegram chat arqyly qyzmetkerler óz pikirlerin bildirip, suraqtar qoia alady. Qajet kezde óz usynystaryn bildiredi.
Búgingi tańda «MAEK» JShS mekemesinde 3627 adam eńbek etedi. Kásibi bilikti qyzmetkerler kombinatqa qarasty nysandardyń óndiristik jabdyqtaryna qajetti jóndeý jumystaryn senimdi ári tiisti deńgeide júrgizedi.
Óńir halqyn aýyz sýmen qamtyp otyrǵan irgeli kásiporynnyń irkilissiz jumysyn júrgizip otyrǵan ujymnyń basty talaby- moraldyq-psihologiialyq ahýaldyń turaqtylyǵy.
Qazirgi tańda «MAEK» JShS mekemesinde «MAEK-Qazatomónerkásip» jergilikti kásipodaq QB jáne «Yntymaq» bastaýysh kásipodaq uiymy qyzmetin júrgizedi. Beineótinishtegi avtorlardyń da bir bóligi, osy uiymnyń qatysýyshlary.
MAEK-tegi jumysshylardyń ortasha jalaqysy-271 000 teńge. 2022 jylǵy naýryzda óndiristik qyzmetkerdiń jalaqysy 30%-ǵa ósti (kombinat basqarmasynyń basshylary men qyzmetkerlerin qospaǵanda), sondai-aq bir laýazymdyq jalaqy mólsherinde saýyqtyrý járdemaqylaryn jáne memlekettik jáne kásiptik merekelerge 10 jáne 25 AEK mólsherinde syiaqylar tólei otyryp másele sheshildi.
2022 jylǵy jeltoqsannan bastap kásiporyn basshylyǵy kásipodaq ókilderi men qyzmetkerlerdiń qatysýymen turaqty negizde kezdesýler ótkizedi. Onda eńbek jaǵdailaryn jaqsartý jáne eńbekti qorǵaý máseleleri talqylanady.
Máselen kezdesýlerdiń qorytyndysy boiynsha mynadai máseleler sheshildi:
-2023 jylǵy 1 aqpannan bastap jalaqysy tómen 540 qyzmetkerdiń ailyǵy 35% - ǵa ósti.
-Qyzmetker qaitys bolǵan jaǵdaida birjolǵy materialdyq kómek mólsheri 100 AEK-ke, al qyzmetkerdiń otbasy múshelerine tólenetin qarjy 30 AEK-ke deiin ulǵaityldy.
-Sonymen qatar, alǵashqy neke qiiý kezinde 30 AEK mólsherinde birjolǵy kómek tólemi engizildi;
- Energetika kúnine arnalǵan syilyqaqy mólsheri 50 AEK-ke deiin ulǵaityldy;
- Respýblika kúni merekesine orai 25 AEK mólsherinde syilyqaqy tóleý engizildi.
