«Myna jerde keibir áriptesterimiz aitady, igerilmei jatqan jerler kóp dep. Biraq biz mynany umytpaiyqshy, shetelde 5 mln. qazaq bar. Erteń ba, keiin be, báribir ol qandastarymyz elge oralady. Biz osyny umytpaiyqshy, jerdi solar úshin saqtap qalaiyqshy. Osyndai usynys bar», - dep atap kórsetti M.Taijan.
Aita keteiik, jaqynda aqyn Aýyt Muqibek «On paiyz jer oralmandarǵa qalsyn!» taqarybymen resmi hat jazyp, ony jer komissiiasynyń múshesi Muhtar Taijanǵa tapsyrǵan bolatyn. Ol hattyń tolyq nusqasy Baq.kz portaly jariialaǵan.
Astanada ótken jer komissiiasynyń búgingi otyrysynda óz azamattarymyzǵa jerdi jalǵa berý máselesi talqylandy. Osy másele aiasynda bir qolǵa beriletin jerdiń shekti kólemi, jaiylymdyq jerlerdi jalǵa bermeý jáne taǵy basqa mańyzdy máseleler boiynsha usynystar aityldy. Búginde komissiia shtaby qazaqstandyqtarǵa jerdi jalǵa berý máselesi boiynsha naqty usynystardy ázirlep qoidy.
Sonyń negizinde Jer kodeksiniń bir babyna ózgerister engizý kózdelgen. Osyǵan qatysty saiasattanýshy Dos Kóshim de ózi basqaratyn toptyń usynystaryn jariialady. Onyń oiynsha, barlyq aýyldyq okrýgtardan bir-bir adam jer taratyn komissiianyń múshesi bolýy qajet.
Al aýdandyq prokýror komissiianyń jumysyn baqylaý otyrýy shart. Otyrys sońynda shý shyqqanyn aita ketken jón. Al jýrnalisterge suhbat bergen Úkimet basshysynyń orynbasary-aýyl sharýashylyǵy ministri, komissiia tóraǵasy Asqar Myrzahmetov 10 sotyqqa qajetti aýyl sharýashylyǵy jerlerin satyp alý máselesiniń qaralyp jatqanyn jetkizdi.
Arman ASQAROV
