Ústinde oq ótkizbeitin kúrteshe, qolyna "kalashnikovty" qapsyra ustaǵan Lýkashenko tikushaqtan túse sala tóńiregin sholyp shyqty.
Artynsha janyndaǵy kómekshilerinen "arǵy jaqta eshkim qalmady ma?" dep anyqtap aldy da, ishke enip ketti.
Lýkashenkonyń tap tumsyǵynyń aldynda narazylyq tanytqan el toptasa bastaǵan. Áskeriler ǵimaratqa taqaý kelgen jurttyń jolyn bógegen. "Prezidentke baǵynyshty kúsh qurylymdary: omon men arnaiy tehnika, onyń ishinde sý atqyshtardan aiaq alyp júre almaisyz", – deidi oqiǵa ornynan habar taratyp jatqan jýrnalister.
Belorýssiiadaǵy prezident sailaýy ádiletsiz ótti dep sanaityn júzdegen, myńdaǵan adam Lýkashenkonyń ketýin talap etýde. Mitingiler 23 tamyzdan beri tolastar emes. Tut.by dereginshe búgin Táýelsizdik alańynda jinalǵan belarýsterdiń sany 100 myńnan asyp jyǵyldy.
"Qylmysker!", "Masqara!", "Seniń ornyń túrme!", "Ket!" deidi ashynǵan halyq Lýkashenkoǵa qarata.
[video width="480" height="848" mp4="https://dalanews.kz/wp-content/uploads/2020/08/VID_20200823_224852_725.mp4"][/video]
[video width="720" height="1280" mp4="https://dalanews.kz/wp-content/uploads/2020/08/VID_20200823_230257_844.mp4"][/video]
