"BelTA" portaly Exit-poll málimetterine súıenip saýalnama 320 saılaý ýchaskesinde ótkizilgenin, oǵan 11 948 adam qatysqanyn jazǵan.

Prezıdenttikke úmitker Sergeı Syrankov 2,7%, Oleg Gaıdýkevıch – 1,8%, Anna Kanopaskaıa – 1,6%, Aleksandr Hıjnák – 1,2% daýys jınaǵan. Al "bárine qarsy" daýys bergender sany 5,1% boldy.

Belarýstegi saılaý ýchaskeleri jergilikti ýaqyt boıynsha 20:00-de (Máskeý ýaqytymen sáıkes) jabyldy. Respýblıka Ortalyq saılaý komısıasynyń málimetinshe, 18:00-ge deıingi saılaýshylardyń kelýi 81,5% bolǵan. Eń joǵary belsendilik Mogılev oblysynda tirkelip, ol 89,05%-ǵa jetken.

Eske salsaq, buǵan deıin Ortalyq saılaý komısıasy 5325 saılaý ýchaskesi ashylyp, olar tańǵy 08:00-den keshki 20:00-ge deıin jumys isteıtinin málimdedi. Málimetterge sensek, daýys berýshiler sany 6 900 504. Olardyń ishinde 88 myńnan astam azamat alǵash ret daýys bermek. 2025 jylǵy saılaýǵa deıin 21-25 qańtar aralyǵynda azamattardyń 41,81 paıyzy aldyn ala daýys berip úlgergen.