Qazaqstannyń eks-prezidenti Nursultan Nazarbaev pen Belarýstiń jetinshi ret sailanǵan prezidenti Aleksandr Lýkashenko sóilesti, dep habarlaidy Dalanews.kz.
Belarýs prezidentiniń baspasóz qyzmetiniń málimetinshe, Nazarbaev pen Lýkashenko aldaǵy ýaqytta jeke kezdesýi múmkin.
Nursultan Nazarbaev Aleksandr Lýkashenkony sailaýdaǵy jeńisimen shyn júrekten quttyqtap, ol barsha Belarýs halqyna óziniń shynaiy quttyqtaýy men sálemin jetkizdi. Sondai-aq Aleksandr Lýkashenko jyly lebizi men tilegi úshin Nursultan Nazarbaevqa jyly lebizin bildirdi, delingen habarlamada.
Belarýs prezidenti Lýkashenko 87.6% daýyspen jetinshi ret taǵy da prezident boldy.
"BelTA" portaly Exit-poll málimetterine súienip saýalnama 320 sailaý ýchaskesinde ótkizilgenin, oǵan 11 948 adam qatysqanyn jazǵan.
Prezidenttikke úmitker Sergei Syrankov 2,7%, Oleg Gaidýkevich – 1,8%, Anna Kanopatskaia – 1,6%, Aleksandr Hijniak – 1,2% daýys jinaǵan. Al "bárine qarsy" daýys bergender sany 5,1% boldy.
Belarýstegi sailaý ýchaskeleri jergilikti ýaqyt boiynsha 20:00-de (Máskeý ýaqytymen sáikes) jabyldy. Respýblika Ortalyq sailaý komissiiasynyń málimetinshe, 18:00-ge deiingi sailaýshylardyń kelýi 81,5% bolǵan. Eń joǵary belsendilik Mogilev oblysynda tirkelip, ol 89,05%-ǵa jetken.
Eske salsaq, buǵan deiin Ortalyq sailaý komissiiasy 5325 sailaý ýchaskesi ashylyp, olar tańǵy 08:00-den keshki 20:00-ge deiin jumys isteitinin málimdedi. Málimetterge sensek, daýys berýshiler sany 6 900 504. Olardyń ishinde 88 myńnan astam azamat alǵash ret daýys bermek. 2025 jylǵy sailaýǵa deiin 21-25 qańtar aralyǵynda azamattardyń 41,81 paiyzy aldyn ala daýys berip úlgergen.
