QR Qarjy naryǵyn retteý jáne damytý agenttigi "Lombard Ak Barys" jaýapkershiligi shekteýli seriktestigin mikroqarjylyq qyzmetti júzege asyrýǵa arnalǵan litsenziiasynan aiyrdy, dep habarlaidy Dalanews.kz.
"Qazaqstan Respýblikasy Qarjy naryǵyn retteý jáne damytý agenttiginiń Almaty qalasyndaǵy óńirlik ókilderi basqarmasy bastyǵynyń 19.11.2024 jylǵy № 112 buiryǵyna sáikes "Lombard Ak Barys" jaýapkershiligi shekteýli seriktestigi mikroqarjylyq qyzmetti júzege asyrýǵa arnalǵan litsenziiasynan aiyryldy", delingen QNRDA habarlamasynda.
Litsenziiadan aiyrý úshin "Mikroqarjylyq qyzmet týraly" Qazaqstan Respýblikasy Zańynyń 16-baby 2-tarmaǵynyń 2-tarmaqshalaryna sáikes mynalar negiz boldy:
- qyzmetin Qazaqstan Respýblikasy zańdarynyń talaptaryn, sondai-aq ýákiletti organnyń, Qazaqstan Respýblikasy Ulttyq Bankiniń normativtik quqyqtyq aktilerin júieli túrde (qatarynan kúntizbelik on eki ai ishinde úsh jáne odan kóp ret) buza otyryp júzege asyrý;
- -ýákiletti organnyń jazbasha nusqaýlaryn júieli túrde (qatarynan kúntizbelik on eki ai ishinde úsh jáne odan da kóp ret) oryndamaý.
"Lombard litsenziiasynan aiyrý qaryz alýshylardy uiym aldyndaǵy óz mindettemelerin ýaqtyly jáne tolyq kólemde oryndaý mindetinen bosatpaidy", delingen QNRDA habarlamasynda.
Mikrokredit berý týraly sharttar boiynsha oryndalmaǵan mindettemeleri bar Lombard klientteri mikrokredit berý týraly jasalǵan sharttardyń talaptaryna sáikes Lombard aldyndaǵy mindettemelerdi oryndamaǵany úshin jaýapty bolady.
