Litva prezidenti Gitanas Naýseda eldiń barlaý qyzmetterinde Reseidiń infraqurylym nysandaryna shabýyl jasaýdy josparlap jatqany týraly málimetter bar ekenin málimdedi. Osyǵan bailanysty energetika jáne kólik salasyndaǵy strategiialyq nysandardyń qaýipsizdigi kúsheitiledi, dep habarlaidy dalanews.kz.
Prezidenttiń aitýynsha, qazirgi tańda barlaý qyzmetteri mundai qaýiptiń bar ekenine qatysty signaldar alyp otyr. Alaida qolda bar aqparat shabýyldyń naqty qai jerde jáne qashan jasalatynyn anyqtaýǵa múmkindik bermeidi.
– Biz barlaý qyzmetterimizden osyndai málimetter alyp otyrmyz. Olar naqty oryn men ýaqytty kórsetýge jetkiliksiz. Sebebi qarsy tarap óz josparyn áli tolyq aiaqtaǵan joq. Biz ázirge tek josparlaý kezeńi nemese yqtimal nysanalar týraly ǵana bilemiz, – dedi Gitanas Naýseda.
Osyǵan bailanysty Litva biligi energetika jáne kólik infraqurylymy nysandaryn qorǵaý sharalaryn kúsheitip, qaýipsizdik deńgeiin arttyrý týraly sheshim qabyldady.
Aita keteiik, osy aidyń basynda Polsha da batys elderiniń barlaý qyzmetteri Reseidiń Polsha aýmaǵy men Baltyq elderine qarsy yqtimal shabýyl jasaý qaýpine alańdap otyrǵanyn málimdegen edi.
Bloomberg málimetinshe, Eýropanyń birqatar memleketteri óńirdegi qaýipsizdik ahýalynyń ýshyǵýyna bailanysty strategiialyq infraqurylymdy qorǵaý sharalaryn kúsheitip jatyr.
