Almaty qalasy Medeý aýdandyq №2 sotynda Amir Shaikejanovke qatysty qylmystyq is jabyq rejimde qaraldy. Oǵan jábirlenýshiniń dármensiz jaǵdaiyn paidalanyp zorlaý jáne ózge adamdy AITV juqtyrý qaýpine ádeii dýshar etý baptary boiynsha aiyp taǵylǵan, dep habarlaidy Dalanews.kz.
Is materialdaryna sáikes, 2025 jyldyń naýryz aiynda Shaikejanov pen onyń qyzmetkeri, transgender tulǵa Elisei birge belgili bir zat qoldanǵan. Tergeý nusqasy boiynsha, aiyptalýshy ony jábirlenýshini dármensiz kúige túsirý maqsatynda bergen. Osydan keiin ol jábirlenýshiniń erkinen tys intimdik qatynasqa túsken. Sonymen qatar, óziniń AITV juqtyrǵanyn bilgeni aityldy.
Aiyptalýshynyń qorǵaýshylary intimdik qatynas eki jaqtyń kelisimimen bolǵanyn, sondai-aq onyń AITV-statýsyn jasyrmaǵanyn alǵa tartty.
Sottalýshy kinásin moiyndamady. Al jábirlenýshi oǵan bas bostandyǵynan aiyrý jazasyn taǵaiyndaýdy suraǵan. Prokýror qylmystyq quqyqbuzýshylyqtardyń jiyntyǵy boiynsha 5 jyl 4 ai merzim surady.
Qylmystyq kodekstiń 118-baby 1-bóligi boiynsha merzimniń ótýine bailanysty Shaikejanov qylmystyq jaýapkershilikten bosatyldy.
Osyǵan bailanysty oǵan tek zorlaý baby boiynsha úkim shyǵarylyp, 5 jylǵa bas bostandyǵynan aiyrý jazasy taǵaiyndaldy.
