LGBT belsendileri AES qurylysyna qarsy shyqty, - dep habarlaidy Dalanews.kz.
Almatyda belsendi feminister Gúlzada Serjan men Janar Sekerbaeva lektsiia ótkizip, atom elektr stantsiiasyn salýǵa ne úshin qarsy ekenderin túsindirdi.
Olar lektsiia barysynda atom elektr stantsiiasy elimizdiń ekologiiasyna orasan zor ziian keltirip qana qoimai, Qazaqstandy Reseige táýeldi etip qoiatynyn atap ótti. Olar AES-ti "aqylǵa qonymsyz" dep sipattap, bul bastamaǵa qarsy ekenderin jetkizgen.
"Úlken bir memleket bar. Memlekette aqsha bólinedi. Biz tańnan keshke deiin jumysqa baramyz. 8 saǵat jumys istep, qaltamyzdan salyq tóleimiz. Sosyn ol salyqty alyp,"qarý" salady. Sandyraq nárse ǵoi. Biz ne úshin salyq tólep júrmiz sonda?", - deidi Gúlzada Serjan.
Eske salaiyq, 1 tamyzda Astanada LGBT nasihatyna qarsy petitsiia boiynsha sońǵy otyrys ótken bolatyn. Feminita uiymy petitsiiaǵa qarsy shyqqan edi.
«Qazaqstan Respýblikasynda LGBT-ny ashyq jáne jasyryn túrde nasihattaýǵa qarsymyz!» petitsiiasy boiynsha sheshim jobasyna jariia talqylaý ótti. Otyrysqa Mádeniet jáne aqparat ministrligi, Ishki ister ministrligi, Oqý-aǵartý ministrligi, Ádilet ministrligi, Densaýlyq saqtaý ministrliginiń ókilderi, Parlament depýtattary, sarapshylar, qoǵam qairatkerleri men BAQ ókilderi qatysty.
Kezdesýde memlekettik organdardyń, ótinish berýshilerdiń, sarapshylardyń jáne basqa da múddeli taraptardyń ustanymdary aitylǵan jumys tobynyń aldyńǵy eki otyrys nátijesi talqylandy.
Qatysýshylar petitsiiany qaraý barysynda ulttyq jáne halyqaralyq normativtik quqyqtyq aktilerge taldaý júrgizip, jetekshi sarapshylarmen konsýltatsiialar ótkizgenin, Qazaqstan halqynan alynǵan áleýmettik saýalnamalar nátijeleri saralanǵanyn atap ótken edi.
