لگبت بەلسەندىلەرى اەس قۇرىلىسىنا قارسى شىقتى، - دەپ حابارلايدى Dalanews.kz.
الماتىدا بەلسەندى فەمينيستەر گۇلزادا سەرجان مەن جانار سەكەربايەۆا لەكسيا وتكىزىپ، اتوم ەلەكتر ستانسياسىن سالۋعا نە ءۇشىن قارسى ەكەندەرىن ءتۇسىندىردى.
ولار لەكسيا بارىسىندا اتوم ەلەكتر ستانسياسى ەلىمىزدىڭ ەكولوگياسىنا وراسان زور زيان كەلتىرىپ قانا قويماي، قازاقستاندى رەسەيگە تاۋەلدى ەتىپ قوياتىنىن اتاپ ءوتتى. ولار اەس-تى "اقىلعا قونىمسىز" دەپ سيپاتتاپ، بۇل باستاماعا قارسى ەكەندەرىن جەتكىزگەن.
"ۇلكەن ءبىر مەملەكەت بار. مەملەكەتتە اقشا بولىنەدى. ءبىز تاڭنان كەشكە دەيىن جۇمىسقا بارامىز. 8 ساعات جۇمىس ىستەپ، قالتامىزدان سالىق تولەيمىز. سوسىن ول سالىقتى الىپ،"قارۋ" سالادى. ساندىراق نارسە عوي. ءبىز نە ءۇشىن سالىق تولەپ ءجۇرمىز سوندا؟"، - دەيدى گۇلزادا سەرجان.
ەسكە سالايىق، 1 تامىزدا استانادا لگبت ناسيحاتىنا قارسى پەتيسيا بويىنشا سوڭعى وتىرىس وتكەن بولاتىن. فەمينيتا ۇيىمى پەتيسياعا قارسى شىققان ەدى.
«قازاقستان رەسپۋبليكاسىندا لگبت-نى اشىق جانە جاسىرىن تۇردە ناسيحاتتاۋعا قارسىمىز!» پەتيسياسى بويىنشا شەشىم جوباسىنا جاريا تالقىلاۋ ءوتتى. وتىرىسقا مادەنيەت جانە اقپارات مينيسترلىگى، ىشكى ىستەر مينيسترلىگى، وقۋ-اعارتۋ مينيسترلىگى، ادىلەت مينيسترلىگى، دەنساۋلىق ساقتاۋ مينيسترلىگىنىڭ وكىلدەرى، پارلامەنت دەپۋتاتتارى، ساراپشىلار، قوعام قايراتكەرلەرى مەن ب ا ق وكىلدەرى قاتىستى.
كەزدەسۋدە مەملەكەتتىك ورگانداردىڭ، ءوتىنىش بەرۋشىلەردىڭ، ساراپشىلاردىڭ جانە باسقا دا مۇددەلى تاراپتاردىڭ ۇستانىمدارى ايتىلعان جۇمىس توبىنىڭ الدىڭعى ەكى وتىرىس ناتيجەسى تالقىلاندى.
قاتىسۋشىلار پەتيسيانى قاراۋ بارىسىندا ۇلتتىق جانە حالىقارالىق نورماتيۆتىك قۇقىقتىق اكتىلەرگە تالداۋ جۇرگىزىپ، جەتەكشى ساراپشىلارمەن كونسۋلتاسيالار وتكىزگەنىن، قازاقستان حالقىنان الىنعان الەۋمەتتىك ساۋالنامالار ناتيجەلەرى سارالانعانىن اتاپ وتكەن ەدى.
