Túrkistan oblysynyń bilim basqarmasy Leńgir qalasynda ornalasqan №2 arnaiy mektep-internatynda bilim alatyn balalardy Mektep-internattan shyǵarý jóninde taraǵan aqparatty 100% jalǵan aqparat ekendigin habarlaidy.
Qazaqstan Respýblikasynyń «Bilim týraly Zańnyń 47-babyna sáikes ata-analardyń bilim berý uiymdaryn jáne bilim alý nysandaryn tańdaýǵa quqyǵy bar.
Arnaiy bilim berý uiymdarynda bilim alý psihologiialyq-meditsinalyq-pedagogikalyq keńes berý mekemesiniń (budan ári-PMPK) qorytyndysy negizinde júzege asyrylady.
Arnaiy bilim berý mekemelerine erekshe bilim berýdi qajet etetin balalar qamtylady. Erekshe bilim berýdi qajet etetin balalarda arnaiy pedagogtardyń túzetý jumysynyń negizinde balalarda oń ózgeris bolǵan jaǵdaida arnaiy bilim berý mekemelerinen shyǵarylyp jalpy bilim berý mekemesinde bilim alýǵa keńes beriledi.
PMPK qyzmeti keńes berý sipatynda bolady. Bul komissiia oqý ornyn jabý nemese balalardy oqýdan shyǵarý týraly sheshim qabyldamaidy. Komissiianyń maqsaty – balanyń damýyna jáne onyń qoǵamǵa sátti beiimdelýine yqpal etetin kásibi usynymdar berý. Jyldyq josparǵa sáikes jyl saiyn ótkizetin diagnostikalyq balalardyń túzelý dinamikasyna tekserý júrgiziledi. Oqý nysanyn tańdaý jónindegi túpkilikti sheshim árqashan ata-analarǵa tiesili.
2025 jylǵy 5 mamyrda Bilim basqarmasynyń ókilderi mektep ujymymen jáne ata-analarmen kezdesý ótkizdi. Kezdesý barysynda barlyq máseleler boiynsha tolyq aqparat berilip, túsindirý jumystary júrgizildi.
Barlyq balalar ózderiniń jeke múmkindikteri men qajettilikterin eskere otyryp, bilim alýdy jalǵastyrady.
Túrkistan oblysynyń bilim basqarmasy mektep-internatty jabý nemese ǵimaratty kolledjge berý týraly máseleni qarastyrǵan joq.
Zań aiasynda jalǵan aqparatty taratý Qazaqstan Respýblikasynyń zańdaryna sáikes jaýapqa tartylatyndyǵyn eskertemiz.
