Onyń aitýynsha, Batys Ýkrainamen shektelgendi jón kórmei, taǵy bir eldi "tárbielep" jatyr. Keleshekte bul el Batystyń oqqaǵaryna ainalyp, Kremlge azýyn batyratyn bolady, osy sebepti qazirden bastap qarymta qaitarýǵa qamdana bastaǵan jón.
Reseilik propagandist Dmitrii Kiselevke keń-mol suhbat bergen Lavrov "Ýkrainadan keiin basqa shaýyp, tóske órleitin kim bar? Bizdiń jaǵamyzǵa jarmasatyn kelesi el kim bolady? Qazaqstan álde Qyrǵyzstan ba?.." degen provokatsiialyq saýalǵa "Moldova" dep ton pishipti.
"Batystyń saiasatkerleri Reseige soqtyqpasa boiyna as batpaitynyn bilemiz. Pýtin dese, atarǵa oǵy joq olar Kishinevti bizge qarsy aidap salýdy kózdep otyr. Bul eldegi Batystyń diktaty Reseidi qubyjyq qyp kórsetý saiasatyn qyzý júrgizýde. Moldova prezidenti Maii Sandý Aq úidiń aldynda qurdai jorǵalaidy. Onyń esil-derti NATO músheligine ótý. Sandýdyń arty taza emes, onda Rýmyniia azamattyǵy bar, Rýmyniiamen birigýge daiyn jáne is júzinde Batystyń barlyq talabyn eki etpei oryndaidy, - dedi Lavrov.
Reseilik diplomat munymen shektelip qalmai, tyrnaqtai ǵana Grýziiaǵa da súikenip ótipti. "Tbilisi Reseidiń júikesin juqartyp, degbirin qashyratyn faktorǵa ainalǵysy keledi" deidi ol.
Pikirinshe, Pýtin Ýkrainadaǵy qantógistiń neǵurlym erte aiaqtalǵanyn qalaidy. Kreml Kievpen pátýaǵa kelýge ázir.
"Alaida, – deidi Lavrov, bul jerde ýaqyt emes, orys halqy úshin nátijelerdiń kóńilge qonymdy bolǵany mańyzdy".
Suhbat barysynda Lavrov ýkrain jerinde qoisha qyrylǵan orys áskeri týraly aitýǵa oqtalady da, artynsha bul oiynan ainyp qalady. Oilana kele Pýtinniń jambasyna aiazdai batatyn taqyrypty ainalyp ótedi.
Осы тұста:
Jańa Qazaqstannyń jemqorlyqty jeńe almaǵany málim boldy. Jaǵdai jyldan-jylǵa nasharlap barady. Tolyǵyraq myna jerde: t.me/dalainside
https://dalanews.kz/aimak/86144-turkistan-oblysynda-zhurgizilgen-saq
