Briýsseldegi teraktiden keiin Túrkiianyń Syrtqy ister ministrligi: «Lańkester órkenietti álemge jáne barshaǵa ortaq qundylyqtarǵa shabýyl jasady», – dedi.
Bul múlde jańsaq málimdeme!
Islam elderindegi barlyq terroristik uiymdardy «jaryqqa shyǵarǵan» biz «órkenietti álem» retinde tanityn Batystyń arnaiy qyzmet qurylymdary bolatyn.
Terror degenimiz ne? Anyǵynda, bul jekelegen memleketterge qajet soǵystyń bir túri.
Jahandaǵy eń joiqyn lańkestik shabýyl AQSh-ta boldy. Ushaqty «alyp qashqan» terrorshylar ony egiz-munaraǵa baǵyttady. Muny syltaý etken Amerika musylman álemine «Krest joryǵyn» jariialap, Aýǵanstan men Irakqa basyp kirdi. Keiinnen dál osy sebeppen Liviia men Siriianyń astan-kestenin shyǵardy.
Anyǵynda, terror Batysqa emes, Islam álemine, onyń ishinde – Túrkiiaǵa baǵyttalyp otyr.
Iá, buǵan qarsy shyǵatyndar bar. «Endeshe olardyń Briýsselde nesi bar edi?» deidi olar.
Asyqpańyzdar! Bul shahmat oiyny! Elestetip kórińiz, Eýropaǵa baǵyttalǵan lańkestik shabýyldar údei tústi deiik. Erteńgi kúni «órkenietti álem» buǵan kimdi kinálaýy múmkin? Árine, Islam álemin jáne Túrkiiany.
Oilap qarańyz, typ-tynysh jatqan Siriianyń astan-kestenin shyǵaryp, «qarýly oppozitsiiany» qarjylandyryp, terroristerdi jattyqtyrǵan jáne atalǵan aimaqty qanǵa bóktirgen kim?
Anyǵynda, Briýsseldegi shabýyl Frantsiia men Germaniianyń mysyn basý úshin jasalyp otyr. Sebebi, bul ekeýi Túrkiia men kúlli Islam álemine qatysty AQSh pen Ulybritaniianyń kózqarasyna sai kelmeitin bólek baǵdar, basqa saiasat ustanyp otyr.
Mynany eske salaiyq: 2001 jylǵy 21 maýsymda amerikalyq saiasatker ári ekonomist Lindon Larýsh bir ǵana Londonda – «Musylman baýyrlar», «Ál-Jihad», HAMAS, «Islam áskeri», «Tamil» siiaqty halyqaralyq ári eń qaýipti degen lańkestik uiymdardyń ortalyqtary ornalasqanyn málimdedi.
Sonymen qatar AQSh-tyń terroristik qurylymdar tiziminde turǵan 30 uiymnyń 16-sy Ulybritaniianyń tarapynan áskeri jáne logistikalyq kómek alatynyn jaiyp saldy.
Sonda munyń bári ne úshin? «Barshaǵa ortaq qundylyqtardyń» berekesin ketirip otyrǵan kimder jáne mundai jaǵdaida terror kimge qaýip tóndiretinin oilandyq pa?
