Vladimir Kim men Edýard Ogaiǵa tiesili Kazakhmys Copper kompaniiasy 2024 jyldyń I toqsanynda taza tabysyn byltyrǵy osy ýaqytpen salystyrǵanda 2,5 ese azaitqan. KASE qazaqstandyq qor birjasynyń saitynda jariialanǵan aralyq qarjy esebine súiensek, biylǵy taza tabys mólsheri — 25,6 mlrd teńge. Byltyr ol kórsetkish 64,7 mlrd teńge bolǵan edi.
2024 jyldyń I toqsanynda kompaniianyń satyp alýshylarmen jasasqan kelisimsharttarynan túsken tabysy 306 mlrd teńge bolyp otyr. 2023 jyldyń osy kezdegi kórsetkishi 395 mldr teńge bolǵan edi. Osy qarajattyń basym bóligi katodty mys (218 mlrd teńge), quima altyn (36 mlrd teńge) jáne túiirshik kúmis (17 mlrd teńge) satqannyń esebinen túsken.
I toqsandaǵy ónimderdiń negizgi satyp alýshylary qatarynda Qytai (125 mlrd teńge, byltyr — 101 mlrd teńge), Túrkiia (92 mlrd teńge, byltyr — 150 mlrd teńge), Qazaqstan (62 mlrd teńge, byltyr — 73 mlrd teńge) men AQSh (6,9 mlrd teńge) bar. Amerika Qurama Shtattary negizgi satyp alýshylar qatarynan Ulybritaniiany yǵystyrdy. 2023 jyldyń I toqsanynda ol 16 mlrd teńgege ónim satyp alǵan edi.
Satylǵan ónimniń taza quny 211 mlrd teńgeni qurady, osylaisha kompaniiaǵa 94 mlrd teńge kóleminde jalpy tabys túsken. Salyq ustalǵanǵa deiingi paida 36,5 mlrd teńge boldy. Úsh ai ishinde kompaniia 10,8 mlrd teńge mólsherinde korporativtik tabys salyǵyn tóledi. Al bir jyl burynǵynyń kólemi 16 mlrd teńge bolǵan.
