Qazaqstan jasandy intellekt, startaptar jáne indýstriia 4.0 tehnologiialaryn damytýǵa arnalǵan jobany iske asyrý úshin Dúniejúzilik bankten 75 mln dollarǵa deiin qaryz alý múmkindigin talqylap jatyr, dep habarlaidy dalanews.kz.
Joba qazir kelissóz kezeńinde. Ony maquldaý týraly sheshim qyrkúiektiń basynda qabyldanady dep josparlanǵan.
Jasandy intellekt jáne tsifrlyq damý ministrligi ázirlegen jobanyń jalpy quny 149 mln dollar dep baǵalanǵan. Onyń 75 mln dollaryna deiingi bóligi qaryz retinde berilýi múmkin.
Joba aiasynda 30 mln dollardy ǵylymi zertteýlerge, mamandardyń biliktiligin arttyrýǵa jáne innovatsiialyq ekojúieni damytýǵa baǵyttaý kózdelgen. Sondai-aq, jasandy intellekt ortalyǵyn, bultty platformalardy, robototehnika zerthanalaryn qurý, arnaiy bilim berý baǵdarlamalaryn iske qosý jáne bilikti mamandardy tartý josparlanǵan.
Budan bólek, 39,85 mln dollardy startaptardy qoldaýǵa jumsaý josparlanyp otyr. Qarjylandyrý ideiany qalyptastyrýdan bastap bastapqy investitsiia, akseleratsiia, halyqaralyq naryqqa shyǵý kezeńderin qamtidy. Sondai-aq, aqparattyq-kommýnikatsiialyq tehnologiialar, indýstriia 4.0 jáne jasyl tehnologiialar salasyna jeke investitsiia tartý úshin venchýrlik qor qurý kózdelgen.
Al 5,2 mln dollar jobany basqarýǵa, monitoring júrgizýge jáne baǵalaýǵa bólinedi. Bul qarajat vedomstvoaralyq úilestirýdi qamtamasyz etýge, innovatsiialyq ekojúiege taldaý jasaýǵa jáne startaptardy qoldaý salasynda úzdik tájiribelerdi engizýge baǵyttalady.
Qazir bastama kelissóz kezeńinde. Joba maquldansa, ony 2027 jyly iske qosý, 2031 jyldyń sońynda tolyq aiaqtaý josparlanyp otyr.
