2025 jyly respýblikalyq biýdjetke 730 mlrd teńge kóleminde salyq tolyǵymen túspegen. Bul týraly Joǵary aýditorlyq palata málimdedi, dep habarlaidy dalanews.kz.
2025 jylǵy salyq jáne kedendik ákimshilendirý tiimdiligine júrgizilgen memlekettik aýdit aiaqtaldy. Tekseris qorytyndylary Joǵary aýditorlyq palatasy otyrysynda qaraldy.
Memlekettik aýditorlardyń málimetinshe, esepti kezeńde respýblikalyq biýdjetke túsetin salyq jospary tolyq oryndalmaǵan. Túspegen soma 730 mlrd teńge nemese 4,8%.
Negizgi sebepterdiń biri salyq boiynsha boljam 1,3 trln teńgege artyq josparlanǵan. Aýdit nátijesinde keiingi tórt jylda qosymsha eseptelgen salyq somalary boiynsha daýlanǵan isterdiń jartysynan astamy salyq tóleýshilerdiń paidasyna sheshilgeni anyqtaldy.
Buǵan salyq zańnamasy talaptaryn buzý jáne salyq tekserisi aktilerin jasaý kezinde jiberilgen rásimdik qateler sebep bolǵan. Osyǵan bailanysty Joǵary aýditorlyq palata salyq tekserisin júrgizý sapasyn baqylaýdy kúsheitý qajet dep esepteidi.
