2025 جىلى رەسپۋبليكالىق بيۋدجەتكە 730 ملرد تەڭگە كٶلەمٸندە سالىق تولىعىمەن تٷسپەگەن. بۇل تۋرالى جوعارى اۋديتورلىق پالاتا مەلٸمدەدٸ, دەپ حابارلايدى dalanews.kz.
2025 جىلعى سالىق جەنە كەدەندٸك ەكٸمشٸلەندٸرۋ تيٸمدٸلٸگٸنە جٷرگٸزٸلگەن مەملەكەتتٸك اۋديت اياقتالدى. تەكسەرٸس قورىتىندىلارى جوعارى اۋديتورلىق پالاتاسى وتىرىسىندا قارالدى.
مەملەكەتتٸك اۋديتورلاردىڭ مەلٸمەتٸنشە, ەسەپتٸ كەزەڭدە رەسپۋبليكالىق بيۋدجەتكە تٷسەتٸن سالىق جوسپارى تولىق ورىندالماعان. تٷسپەگەن سوما 730 ملرد تەڭگە نەمەسە 4,8%.
نەگٸزگٸ سەبەپتەردٸڭ بٸرٸ سالىق بويىنشا بولجام 1,3 ترلن تەڭگەگە ارتىق جوسپارلانعان. اۋديت نەتيجەسٸندە كەيٸنگٸ تٶرت جىلدا قوسىمشا ەسەپتەلگەن سالىق سومالارى بويىنشا داۋلانعان ٸستەردٸڭ جارتىسىنان استامى سالىق تٶلەۋشٸلەردٸڭ پايداسىنا شەشٸلگەنٸ انىقتالدى.
بۇعان سالىق زاڭناماسى تالاپتارىن بۇزۋ جەنە سالىق تەكسەرٸسٸ اكتٸلەرٸن جاساۋ كەزٸندە جٸبەرٸلگەن رەسٸمدٸك قاتەلەر سەبەپ بولعان. وسىعان بايلانىستى جوعارى اۋديتورلىق پالاتا سالىق تەكسەرٸسٸن جٷرگٸزۋ ساپاسىن باقىلاۋدى كٷشەيتۋ قاجەت دەپ ەسەپتەيدٸ.
