Óz kezeginde Abzal Quspanov Aýyl sharýashylyǵynyń mınıstrliginiń ókiline Batys Qazaqstan oblysyndaǵy sharýa qojalyqtarmen kezdesýinde birneshe jyldan beri BQO-nyń ońtústik aýdandaryndaǵy aýyl sharýashylyq maqsatyndaǵy jerlerde kıik shamadan tys kóbeıip, nátıjesinde qojalyqtarǵa tıesili shabyndyq pen jaıylymdardy taptap, sharýalardy shyǵynǵa batyryp jatqanyn alǵa tartty.
– BQO-nyń ońtústik aýdandary burynnan mal sharýashylyǵyna beıimdelgenin bárimiz bilemiz. Qazir sharýalardyń qysqy maýsymǵa jem-shóp daıyndaýy úlken máselege aınaldy.
Batys Qazaqstan oblysyna jasaǵan is-sapar kezinde jergilikti bılik oryndary jáne Aýyl sharýashylyǵy men Ekologıa mınıstrliginiń ókilderimen birlesip kıikterdiń sharýalarǵa keltirgen shyǵyndar boıynsha akt jasap, ony Aýyl sharýashylyǵy mınıstrligi arqyly Qarjy mınıstrligine joldap, respýblıkalyq búdjetten sýbsıdıa túrinde 7,5 mlrd teńge qarjy bólý týrasynda usynys joldadyq.
Alaıda, keshe 2024-2026 jyldarǵa búdjettiń jobasynda bul sýbsıdıa qarastyrylmaǵanyn bildik. Bizdińshe, sharýalaryn qoldap, kıiktiń máselesin birjaqty etetin kez keldi. Osy máselege baılanysty bıyl batysqazaqstandyq sharýalarǵa sýbsıdıa berile me, joq pa sonyń naqty jaýabyn aıtsańyz? – dep Abzal Quspanov vıse-mınıstrge suraqty tótesinen qoıdy.
Óz kezeginde QR Aýyl sharýashylyǵy vıse-mınıstri Ábilqaıyr Tamabek.
– Abzal Temirǵalıuly, qaı sýbsıdıany aıtyp turǵanyńyzdy naqty bilmedim. Bıyl Úkimetke sharýalarǵa sýbsıdıa berý týrasynda 428 mlrd teńgege ótinim kelip túsken bolatyn. Budan basqa ótken jylǵy qaryzdan jáne bıylǵa qosymsha usynys ertinde taǵy da 155 mlrd teńge sýbsıady bólýge týrasynda ótimdi qabyldadyq. Bizder osy sýbsıdıalardyń bárin jyl aıaǵyna deıin sharýalarǵa beretin bolamyz, – dep vıse-mınıstr depýtattyń suraǵyna jalpylama jaýap berip qutyldy.
