ءوز كەزەگىندە ابزال قۇسپانوۆ اۋىل شارۋاشىلىعىنىڭ مينيسترلىگىنىڭ وكىلىنە باتىس قازاقستان وبلىسىنداعى شارۋا قوجالىقتارمەن كەزدەسۋىندە بىرنەشە جىلدان بەرى بقو-نىڭ وڭتۇستىك اۋداندارىنداعى اۋىل شارۋاشىلىق ماقساتىنداعى جەرلەردە كيىك شامادان تىس كوبەيىپ، ناتيجەسىندە قوجالىقتارعا تيەسىلى شابىندىق پەن جايىلىمداردى تاپتاپ، شارۋالاردى شىعىنعا باتىرىپ جاتقانىن العا تارتتى.
– بقو-نىڭ وڭتۇستىك اۋداندارى بۇرىننان مال شارۋاشىلىعىنا بەيىمدەلگەنىن ءبارىمىز بىلەمىز. ءقازىر شارۋالاردىڭ قىسقى ماۋسىمعا جەم-شوپ دايىنداۋى ۇلكەن ماسەلەگە اينالدى.
باتىس قازاقستان وبلىسىنا جاساعان ءىس-ساپار كەزىندە جەرگىلىكتى بيلىك ورىندارى جانە اۋىل شارۋاشىلىعى مەن ەكولوگيا مينيسترلىگىنىڭ وكىلدەرىمەن بىرلەسىپ كيىكتەردىڭ شارۋالارعا كەلتىرگەن شىعىندار بويىنشا اكت جاساپ، ونى اۋىل شارۋاشىلىعى مينيسترلىگى ارقىلى قارجى مينيسترلىگىنە جولداپ، رەسپۋبليكالىق بيۋدجەتتەن سۋبسيديا تۇرىندە 7،5 ملرد تەڭگە قارجى ءبولۋ تۋراسىندا ۇسىنىس جولدادىق.
الايدا، كەشە 2024-2026 جىلدارعا بيۋدجەتتىڭ جوباسىندا بۇل سۋبسيديا قاراستىرىلماعانىن بىلدىك. بىزدىڭشە، شارۋالارىن قولداپ، كيىكتىڭ ماسەلەسىن ءبىرجاقتى ەتەتىن كەز كەلدى. وسى ماسەلەگە بايلانىستى بيىل باتىسقازاقستاندىق شارۋالارعا سۋبسيديا بەرىلە مە، جوق پا سونىڭ ناقتى جاۋابىن ايتساڭىز؟ – دەپ ابزال قۇسپانوۆ ۆيسە-مينيسترگە سۇراقتى توتەسىنەن قويدى.
ءوز كەزەگىندە ق ر اۋىل شارۋاشىلىعى ۆيسە-مينيسترى ءابىلقايىر تامابەك.
– ابزال تەمىرعالي ۇلى، قاي سۋبسيديانى ايتىپ تۇرعانىڭىزدى ناقتى بىلمەدىم. بيىل ۇكىمەتكە شارۋالارعا سۋبسيديا بەرۋ تۋراسىندا 428 ملرد تەڭگەگە ءوتىنىم كەلىپ تۇسكەن بولاتىن. بۇدان باسقا وتكەن جىلعى قارىزدان جانە بيىلعا قوسىمشا ۇسىنىس ەرتىندە تاعى دا 155 ملرد تەڭگە سۋبسيادى بولۋگە تۋراسىندا ءوتىمدى قابىلدادىق. بىزدەر وسى سۋبسيديالاردىڭ ءبارىن جىل اياعىنا دەيىن شارۋالارعا بەرەتىن بولامىز، – دەپ ۆيسە-مينيستر دەپۋتاتتىڭ سۇراعىنا جالپىلاما جاۋاپ بەرىپ قۇتىلدى.
