Kıevte Jambyl Jabaevtyń eskertkishin alyp tastaý máselesi kóterildi, dep habarlaıdy Dalanews.kz.
Mundaı máseleniń kóterilýine birqatar belsendilerdiń úndeýi sebep boldy. Olar eskertkishti alyp tastap, Jambyl atyndaǵy kósheni ataýyn ózgertýdi usynǵan. Olardyń sózinshe, keńestik dáýirmen baılanysty dúnıelerdiń bári qaıta qaralýy kerek.
Ýkraınanyń Ulttyq jady ınstıtýty taldaý júrgizip, mynadaı qorytyndyǵa kelgen: Jambyl Jabaev Reseı ımperıalyq saıasatynyń nemese komýnıstik totalıtarlyq rejımniń sımvoly bolyp sanalmaıdy. Sondyqtan dekolonızasıa týraly zańnyń normalary oǵan qoldanylmaıdy.
UJI-de Jambyldyń 1917 jylǵy revolúsıaǵa deıin-aq tanymal bolǵan qazaq aqyny ekeni atap ótildi. Onyń eskertkishi men kóshe ataýy keńestik úgit-nasıhattyń elementi retinde emes, Ýkraına men Qazaqstan arasyndaǵy mádenı baılanystardyń kórinisi retinde qarastyrylady.
Sondyqtan eskertkish alynbaıtyn bolǵan.
