Búginde Saýran aýdanynda kógaldandyrý jáne tazalyq jumystary turaqty túrde júrgizilip keledi. Osy rette «Kieli meken» aptalyǵy aiasynda Saýran qalashyǵynda senbilik uiymdastyrylyp, qoqystardan tazartyldy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Sonymen qatar, aýdan ortalyǵyndaǵy ardagerler alleiasynyń aýmaǵynda abattandyrý jáne tal egý jumystary júrgizildi. Odan bólek, aýdandaǵy ekologiialyq aktsiia aiasynda ákteý syrlaý, aryq-atyzdary tazalaý jumystary qatar atqarylýda.
Ekoaktsiiaǵa aýdanǵa qarasty barlyq memlekettik mekemeler, qoǵamdyq uiymdar, mádeni ortalyq ókilderi, aýdan turǵyndary, belsendi jastar men eriktiler qatysýda.
Aita ketsek, Saýran qalashyǵynyń irgetasy XII ǵasyrda iri saýda ortalyǵy retinde qalanǵan. Saýran qalashyǵy arqyly «Jibek joly» ótetin bolǵan.
Taǵy bir derekte XIII ǵasyrdyń orta tusynda Saýran qalashyǵy Aq Ordanyń astanasy bolǵany jazylady. XIV ǵasyrdyń aiaǵynda Saýrandy Ámir Temir áskeri qamalǵa ainaldyrǵan. Sondai-aq, Saýran qalashyǵy islam dininiń Qazaqstanǵa taralýyna yqpal etken.
