بۇگىندە ساۋران اۋدانىندا كوگالداندىرۋ جانە تازالىق جۇمىستارى تۇراقتى تۇردە جۇرگىزىلىپ كەلەدى. وسى رەتتە «كيەلى مەكەن» اپتالىعى اياسىندا ساۋران قالاشىعىندا سەنبىلىك ۇيىمداستىرىلىپ، قوقىستاردان تازارتىلدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
سونىمەن قاتار، اۋدان ورتالىعىنداعى ارداگەرلەر اللەياسىنىڭ اۋماعىندا اباتتاندىرۋ جانە تال ەگۋ جۇمىستارى جۇرگىزىلدى. ودان بولەك، اۋدانداعى ەكولوگيالىق اكسيا اياسىندا اكتەۋ سىرلاۋ، ارىق-اتىزدارى تازالاۋ جۇمىستارى قاتار اتقارىلۋدا.
ەكواكسياعا اۋدانعا قاراستى بارلىق مەملەكەتتىك مەكەمەلەر، قوعامدىق ۇيىمدار، مادەني ورتالىق وكىلدەرى، اۋدان تۇرعىندارى، بەلسەندى جاستار مەن ەرىكتىلەر قاتىسۋدا.
ايتا كەتسەك، ساۋران قالاشىعىنىڭ ىرگەتاسى XII عاسىردا ءىرى ساۋدا ورتالىعى رەتىندە قالانعان. ساۋران قالاشىعى ارقىلى «جىبەك جولى» وتەتىن بولعان.
تاعى ءبىر دەرەكتە XIII عاسىردىڭ ورتا تۇسىندا ساۋران قالاشىعى اق وردانىڭ استاناسى بولعانى جازىلادى. XIV عاسىردىڭ اياعىندا ساۋراندى ءامىر تەمىر اسكەري قامالعا اينالدىرعان. سونداي-اق، ساۋران قالاشىعى يسلام ءدىنىنىڭ قازاقستانعا تارالۋىنا ىقپال ەتكەن.
