Memleket basshysynyń bastamasymen respýblika kóleminde uiymdastyrylyp jatqan «Taza Qazaqstan» ekologiialyq aktsiiasy barysynda Túrkistan oblysy, Qazyǵurt aýdanynda júieli jumystar atqarylýda, – dep habarlaidy Dalanews.kz.
15 sáýirden bastaý alǵan «Kieli meken» aptalyǵy boiynsha kezekti tazalyq jumystary Qazyǵurt taýynyń baýraiynda ornalasqan, ózindik erekshe tarihy men ańyzy-áńgimelerge bai «Aqbýra» áýlie kesenesinde jalǵasty.
Aýdan ákimdiginiń uiymdastyrýymen ótkizilgen senbilik jumystaryna aýdannyń jastary, eriktiler, aýyl turǵyndary jáne týrister belsendi atsalysty. Tazalyq jumystary barysynda áýlie keseneniń ainalasy qoqystardan tazartylyp, shópteri qyrqý, aǵashtaryn butaý jáne aqtaý sekildi ister atqaryldy. Aýyl qariialary men keseneniń shyraqshysy áýlie basynda el amandyǵy úshin quran baǵyshtap, tazalyq aktsiiasyna qatysýshylarǵa el alǵysyn jetkizip batalaryn berdi.
Aita keteiik, Aqbýra kesenesi Qazyǵurt taýynyń ońtústik eteginde, tabiǵaty ádemi, tynysh, salqyn jerde ornalasqan. Kesene tóńireginde ondaǵan bulaq aǵyp barshasynyń arnasy tómenirek bir ózenge qosylady.
Aqbýra baba Q.A.Iassaýidiń zamanynda ómir súrip, onyń shákirti bolǵan, din taratqan tulǵa bolǵan desedi. «Kieli meken» aptalyǵy boiynsha kezekti tazalyq jumystary Qazyǵurt aýdany, Altyntóbe aýyl okrýginde ornalasqan «Jaqsyǵul mergen» kesenesinde jalǵasty.
Bul keseneniń ózindik tarihy bar. Dýlattyń Janysynan taraityn Bógejili rýynan shyqqan Jaqsyǵul Shabaiuly 1643 jyly Orbulaq shaiqasynda Qazaq eli úshin Jońǵar shapqynshylaryna qarsy erlik kórsetip, batyrlyǵymen kózge túsken. Jaqsyǵul batyrdyń denesi osy kesenege jerlengen.
