مەملەكەت باسشىسىنىڭ باستاماسىمەن رەسپۋبليكا كولەمىندە ۇيىمداستىرىلىپ جاتقان «تازا قازاقستان» ەكولوگيالىق اكسياسى بارىسىندا تۇركىستان وبلىسى، قازىعۇرت اۋدانىندا جۇيەلى جۇمىستار اتقارىلۋدا، – دەپ حابارلايدى Dalanews.kz.
15 ساۋىردەن باستاۋ العان «كيەلى مەكەن» اپتالىعى بويىنشا كەزەكتى تازالىق جۇمىستارى قازىعۇرت تاۋىنىڭ باۋرايىندا ورنالاسقان، وزىندىك ەرەكشە تاريحى مەن اڭىزى-اڭگىمەلەرگە باي «اقبۋرا» اۋليە كەسەنەسىندە جالعاستى.
اۋدان اكىمدىگىنىڭ ۇيىمداستىرۋىمەن وتكىزىلگەن سەنبىلىك جۇمىستارىنا اۋداننىڭ جاستارى، ەرىكتىلەر، اۋىل تۇرعىندارى جانە تۋريستەر بەلسەندى اتسالىستى. تازالىق جۇمىستارى بارىسىندا اۋليە كەسەنەنىڭ اينالاسى قوقىستاردان تازارتىلىپ، شوپتەرى قىرقۋ، اعاشتارىن بۇتاۋ جانە اقتاۋ سەكىلدى ىستەر اتقارىلدى. اۋىل قاريالارى مەن كەسەنەنىڭ شىراقشىسى اۋليە باسىندا ەل اماندىعى ءۇشىن قۇران باعىشتاپ، تازالىق اكسياسىنا قاتىسۋشىلارعا ەل العىسىن جەتكىزىپ باتالارىن بەردى.
ايتا كەتەيىك، اقبۋرا كەسەنەسى قازىعۇرت تاۋىنىڭ وڭتۇستىك ەتەگىندە، تابيعاتى ادەمى، تىنىش، سالقىن جەردە ورنالاسقان. كەسەنە توڭىرەگىندە ونداعان بۇلاق اعىپ بارشاسىنىڭ ارناسى تومەنىرەك ءبىر وزەنگە قوسىلادى.
اقبۋرا بابا ق.ا.ءياسساۋيدىڭ زامانىندا ءومىر ءسۇرىپ، ونىڭ شاكىرتى بولعان، ءدىن تاراتقان تۇلعا بولعان دەسەدى. «كيەلى مەكەن» اپتالىعى بويىنشا كەزەكتى تازالىق جۇمىستارى قازىعۇرت اۋدانى، التىنتوبە اۋىل وكرۋگىندە ورنالاسقان «جاقسىعۇل مەرگەن» كەسەنەسىندە جالعاستى.
بۇل كەسەنەنىڭ وزىندىك تاريحى بار. دۋلاتتىڭ جانىسىنان تارايتىن بوگەجىلى رۋىنان شىققان جاقسىعۇل شاباي ۇلى 1643 جىلى وربۇلاق شايقاسىندا قازاق ەلى ءۇشىن جوڭعار شاپقىنشىلارىنا قارسى ەرلىك كورسەتىپ، باتىرلىعىمەن كوزگە تۇسكەن. جاقسىعۇل باتىردىڭ دەنەسى وسى كەسەنەگە جەرلەنگەن.
