Túrkistan oblystyq ákimdikte kishi jedel basqarý ortalyǵynyń jobasy tanystyryldy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysynyń ákimi Darhan Satybaldynyń tóraǵalyǵymen ótken sharada Túrkistan oblysy Polısıa departamentiniń bastyǵy polısıa general-maıory Murat Qabdenov, prokýratýra, Ulttyq qaýipsizdik komıteti, sıfrlandyrý basqarmasynyń basshy quramy men ákim orynbasarlary, basqarma basshylary qatysty. Jańa jobany «Altaý smart» JSHS-niń komersıalyq dırektory Isataı Júnisov tanystyryp ótti.
Jıyn barysynda sıfrlandyrý, qaýipsizdik úshin qajetti sońǵy úlgidegi sıfrlyq qural-jabdyqtarmen jabdyqtaý máseleleri qaraldy. Sonymen qatar aýdandarǵa kishi jedel basqarý ortalyǵyn qurý boıynsha usynystar kóterildi.
Shara sońynda oblys ákimi qurylym basshylaryna tapsyrmalar júktep, jańa jobany zerdeleýdi júktedi. Sondaı-aq turǵyndar qaýipsizdigin saqtaý, qorǵaý baǵytyndaǵy bastamalardy qoldaıtyndyǵyn aıtty.
