KHDR-de Ýkrainadaǵy soǵysta qaza tapqan áskerilerdiń otbasylaryna jańa turǵyn úi kesheni paidalanýǵa berildi, dep habarlaidy Dalanews.kz.
Soltústik Koreia basshysy Kim Chen Yn Phenian qalasynda salynǵan turǵyn úi kesheniniń saltanatty ashylýyna qatysty. Atalǵan nysan Resei men Ýkraina arasyndaǵy soǵys barysynda qaza tapqan soltústikkoreialyq áskeri qyzmetkerlerdiń otbasylaryna arnalyp salynǵan.
Associated Press agenttiginiń málimetinshe, sońǵy ailarda KHDR biligi Ýkrainadaǵy soǵysqa Resei tarapynda qatysý úshin jiberilgen áskerilerdi dáripteýge baǵyttalǵan nasihatty kúsheitken.
Al Ońtústik Koreia Ulttyq barlaý qyzmetiniń baǵalaýynsha, Resei–Ýkraina soǵysy kezinde shamamen 6 myńǵa jýyq soltústikkoreialyq áskeri qyzmetker qaza tapqan nemese túrli jaraqat alǵan.
