Kúzdiń alǵashqy ailarynda Qazaqstan turǵyndaryn jyly aýa raiy qýantqan edi. Alaida, Qazgidromet málimetinshe, jaqsy kúnderdi qamtamasyz etken antitsiklon elimizdiń aýmaǵynan shyǵyp, onyń ornyn sýyq soltústik tsiklon basýda, dep habarlaidy Dalanews.kz.
Sýyq aýa massalarymen qorektenetin bul tsiklon Qazaqstan arqyly jyldam jyljyp, aldymen jańbyr, keiin qar túrinde jaýyn-shashyn ákeledi. 4 qarashadan bastap eldiń soltústik jáne shyǵys óńirlerinde qar jaýady. Sondai-aq ekpindi jel, boran jáne kóktaiǵaq kútiledi.
Aýa temperatýrasy da birtindep tómendeidi. Soltústik jáne shyǵys aimaqtarda 4 qarashada túnde 5–13 gradýs aiaz, kúndiz 3–11 gradýs aiaz bolady dep boljanyp otyr.
Sýyq tolqyny ońtústik óńirlerdi de ainalyp ótpeidi. 4 qarashada jańbyr men qar túrindegi qatty jaýyn-shashynnan keiin aimaqta aýa temperatýrasy tómendep, túnde 0–13 gradýs aiaz, kúndiz 0–5 gradýs jyly bolady.
Meteorologtar turǵyndarǵa aýa raiynyń kúrt ózgerýine daiyn bolýdy, jolda abai bolyp, jyly kiinýdi eskertedi.
