Jumysshy mamandyqtar jyly aıasynda uıymdastyrylǵan respýblıkalyq «Altaıdan Oralǵa deıin» velosherýi jalǵasyp jatyr. Búgin Abaı oblysynyń ókilderi velosherý qatysýshylaryn saltanatty túrde qarsy aldy, – dep habarlaıdy Dalanews.kz

Velosportshylar toby uıymdastyrýshylarmen birge Semeıdiń ortalyq alańyna deıin júrip ótti. Munda olardy eńbek ujymdary, kolej stýdentteri men sport súıer qaýym qoshemetpen qarsy aldy.

İs-shara aıaqtalǵan soń, sportshylar saparyn jalǵastyrdy. Bul kúngi baǵyttyń uzyndyǵy 220 shaqyrymdy qurady.

Aıta keteıik, velosherý jumysshy mamandyqtardy dáripteý jáne salamatty ómir saltyn nasıhattaý maqsatynda ótkizilip jatyr. Sherý baǵyty elimizdiń segiz óńirin qamtıdy: Shyǵys Qazaqstan, Abaı, Pavlodar oblystary, Astana qalasy, sondaı-aq Aqmola, Qostanaı, Aqtóbe jáne Batys Qazaqstan oblystary. Velosherý 8 maýsymda máresine jetedi dep josparlanǵan.