جۇمىسشى ماماندىقتار جىلى اياسىندا ۇيىمداستىرىلعان رەسپۋبليكالىق «التايدان ورالعا دەيىن» ۆەلوشەرۋى جالعاسىپ جاتىر. بۇگىن اباي وبلىسىنىڭ وكىلدەرى ۆەلوشەرۋ قاتىسۋشىلارىن سالتاناتتى تۇردە قارسى الدى، – دەپ حابارلايدى Dalanews.kz
ۆەلوسپورتشىلار توبى ۇيىمداستىرۋشىلارمەن بىرگە سەمەيدىڭ ورتالىق الاڭىنا دەيىن ءجۇرىپ ءوتتى. مۇندا ولاردى ەڭبەك ۇجىمدارى، كوللەدج ستۋدەنتتەرى مەن سپورت سۇيەر قاۋىم قوشەمەتپەن قارسى الدى.
ءىس-شارا اياقتالعان سوڭ، سپورتشىلار ساپارىن جالعاستىردى. بۇل كۇنگى باعىتتىڭ ۇزىندىعى 220 شاقىرىمدى قۇرادى.
ايتا كەتەيىك، ۆەلوشەرۋ جۇمىسشى ماماندىقتاردى دارىپتەۋ جانە سالاماتتى ءومىر سالتىن ناسيحاتتاۋ ماقساتىندا وتكىزىلىپ جاتىر. شەرۋ باعىتى ەلىمىزدىڭ سەگىز ءوڭىرىن قامتيدى: شىعىس قازاقستان، اباي، پاۆلودار وبلىستارى، استانا قالاسى، سونداي-اق اقمولا، قوستاناي، اقتوبە جانە باتىس قازاقستان وبلىستارى. ۆەلوشەرۋ 8 ماۋسىمدا مارەسىنە جەتەدى دەپ جوسپارلانعان.
