Sarymsaq – taǵamǵa dám beretin dámdeýish ǵana emes, ejelden emdik qasietimen tanylǵan ósimdik. Onyń quramyndaǵy belsendi zattar men dárýmender adam aǵzasyna keshendi túrde áser etip, immýnitetti nyǵaitady jáne túrli aýrýlardyń aldyn alýǵa kómektesedi, dep habarlaidy Dalanews.kz.
Sarymsaqtyń adam aǵzasyna paidasy
As qorytý júiesin jaqsartady
Sarymsaqty turaqty túrde tutyný aǵzanyń taǵamdy jaqsy qorytyp, paidaly zattardy sińirýin jeńildetedi. Ol uiqybezi men baýyrdyń jumysyn da jeńildetedi.
Immýnitetti nyǵaitady
Sarymsaq quramynda allitsin, diallildisýlfid jáne s-alliltsistein siiaqty kúkirtti qosylystar bar. Bul zattar aǵzany virýs pen bakteriiadan qorǵaidy, qabynýǵa qarsy áser etedi.
Júrek pen qan tamyrlaryn qorǵaidy
Ǵylymi zertteýlerge sáikes, sarymsaq holesterin deńgeiin tómendetip, qannyń uiý qaýpin azaitady. Ol qan ainalymyn jaqsartyp, gipertoniia men infarkttiń aldyn alýǵa kómektesedi.
Qant deńgeiin tómendetedi
Sarymsaq quramyndaǵy kúkirt qosylystary insýlinniń bólinýin kúsheitip, jasýshalardyń oǵan sezimtaldyǵyn arttyrady. Bul – diabetke beiim adamdar úshin paidaly qasiet.
Baýyrdy qorǵaidy
Zertteýler sarymsaqtyń quramyndaǵy kúkirtti zattar etil spirtinen bolatyn baýyr zaqymdaryn azaityp, organnyń saýyǵýyna sep bolatynyn kórsetken.
Asqazan men ishektiń saýlyǵyna yqpal etedi
Sarymsaq prebiotik retinde paidaly bifidobakteriialardyń kóbeiýine yqpal etip, ziiandy mikrobtardyń ósýin tejeidi.
Súiek saýlyǵyn jaqsartady
Ǵalymdar sarymsaqtyń áielderdegi estrogen deńgeiin arttyryp, súiek tininiń álsireýin baiaýlatatynyn anyqtaǵan. Ásirese menopaýza kezeńindegi áielder úshin paidaly.
Qaterli isiktiń paida bolý qaýpin tómendetedi
Sarymsaqtaǵy kúkirtti qosylystar qaterli isik jasýshalarynyń ósýin tejeýi múmkin. Bul baǵytta zertteýler jalǵasyp jatyr.
Energiia men tózimdilikti arttyrady
Sportshylarǵa sarymsaqtyń paidasy zor: ol testosteron deńgeiin arttyryp, bulshyqet massasynyń ósýine kómektesedi jáne kortizol gormonynyń áserin azaitady.
Sarymsaqty kimderge jeýge bolmaidy?
Kez kelgen ónimge sekildi sarymsaqqa da qarsykórsetilim bar. Ol asqazan men ishektiń shyryshty qabyǵyn titirkendiredi, sondyqtan gastrit, asqazan jarasy, pankreatit, kolit siiaqty aýrýy bar adamdarǵa ony jeý usynylmaidy.
Sondai-aq, sarymsaqty júktilik jáne bala emizý kezinde, búirek aýrýlary men gipotireoz diagnozy bar jandar da saqtyqpen tutynýy tiis.
Ol tis emaline de áser etýi múmkin, sondyqtan sarymsaq jegen soń aýyzdy taza sýmen shaiǵan durys.
Dárigerlerdiń aitýynsha, kúnine 1–2 sarymsaq jeý jetkilikti.
Eskertý: Bul material aqparattyq sipatta berilgen. Ózdiginen emdelý qaýipti. Densaýlyǵyńyzǵa qatysty kez kelgen ózgeristi nemese jańa ónimdi ratsionǵa engizbes buryn dárigermen, dietologpen nemese basqa da meditsinalyq mamanmen keńesińiz.
