سارىمساق – تاعامعا ءدام بەرەتىن دامدەۋىش عانا ەمەس، ەجەلدەن ەمدىك قاسيەتىمەن تانىلعان وسىمدىك. ونىڭ قۇرامىنداعى بەلسەندى زاتتار مەن دارۋمەندەر ادام اعزاسىنا كەشەندى تۇردە اسەر ەتىپ، يممۋنيتەتتى نىعايتادى جانە ءتۇرلى اۋرۋلاردىڭ الدىن الۋعا كومەكتەسەدى، دەپ حابارلايدى Dalanews.kz.
سارىمساقتىڭ ادام اعزاسىنا پايداسى
اس قورىتۋ جۇيەسىن جاقسارتادى
سارىمساقتى تۇراقتى تۇردە تۇتىنۋ اعزانىڭ تاعامدى جاقسى قورىتىپ، پايدالى زاتتاردى ءسىڭىرۋىن جەڭىلدەتەدى. ول ۇيقىبەزى مەن باۋىردىڭ جۇمىسىن دا جەڭىلدەتەدى.
يممۋنيتەتتى نىعايتادى
سارىمساق قۇرامىندا الليسين، ديالليلديسۋلفيد جانە s-الليلسيستەين سياقتى كۇكىرتتى قوسىلىستار بار. بۇل زاتتار اعزانى ۆيرۋس پەن باكتەريادان قورعايدى، قابىنۋعا قارسى اسەر ەتەدى.
جۇرەك پەن قان تامىرلارىن قورعايدى
عىلىمي زەرتتەۋلەرگە سايكەس، سارىمساق حولەستەرين دەڭگەيىن تومەندەتىپ، قاننىڭ ۇيۋ ءقاۋپىن ازايتادى. ول قان اينالىمىن جاقسارتىپ، گيپەرتونيا مەن ينفاركتتىڭ الدىن الۋعا كومەكتەسەدى.
قانت دەڭگەيىن تومەندەتەدى
سارىمساق قۇرامىنداعى كۇكىرت قوسىلىستارى ءينسۋليننىڭ ءبولىنۋىن كۇشەيتىپ، جاسۋشالاردىڭ وعان سەزىمتالدىعىن ارتتىرادى. بۇل – ديابەتكە بەيىم ادامدار ءۇشىن پايدالى قاسيەت.
باۋىردى قورعايدى
زەرتتەۋلەر سارىمساقتىڭ قۇرامىنداعى كۇكىرتتى زاتتار ەتيل سپيرتىنەن بولاتىن باۋىر زاقىمدارىن ازايتىپ، ورگاننىڭ ساۋىعۋىنا سەپ بولاتىنىن كورسەتكەن.
اسقازان مەن ىشەكتىڭ ساۋلىعىنا ىقپال ەتەدى
سارىمساق پرەبيوتيك رەتىندە پايدالى بيفيدوباكتەريالاردىڭ كوبەيۋىنە ىقپال ەتىپ، زياندى ميكروبتاردىڭ ءوسۋىن تەجەيدى.
سۇيەك ساۋلىعىن جاقسارتادى
عالىمدار سارىمساقتىڭ ايەلدەردەگى ەستروگەن دەڭگەيىن ارتتىرىپ، سۇيەك ءتىنىنىڭ السىرەۋىن باياۋلاتاتىنىن انىقتاعان. اسىرەسە مەنوپاۋزا كەزەڭىندەگى ايەلدەر ءۇشىن پايدالى.
قاتەرلى ىسىكتىڭ پايدا بولۋ ءقاۋپىن تومەندەتەدى
سارىمساقتاعى كۇكىرتتى قوسىلىستار قاتەرلى ىسىك جاسۋشالارىنىڭ ءوسۋىن تەجەۋى مۇمكىن. بۇل باعىتتا زەرتتەۋلەر جالعاسىپ جاتىر.
ەنەرگيا مەن توزىمدىلىكتى ارتتىرادى
سپورتشىلارعا سارىمساقتىڭ پايداسى زور: ول تەستوستەرون دەڭگەيىن ارتتىرىپ، بۇلشىقەت ماسساسىنىڭ وسۋىنە كومەكتەسەدى جانە كورتيزول گورمونىنىڭ اسەرىن ازايتادى.
سارىمساقتى كىمدەرگە جەۋگە بولمايدى؟
كەز كەلگەن ونىمگە سەكىلدى سارىمساققا دا قارسىكورسەتىلىم بار. ول اسقازان مەن ىشەكتىڭ شىرىشتى قابىعىن تىتىركەندىرەدى، سوندىقتان گاستريت، اسقازان جاراسى، پانكرەاتيت، كوليت سياقتى اۋرۋى بار ادامدارعا ونى جەۋ ۇسىنىلمايدى.
سونداي-اق، سارىمساقتى جۇكتىلىك جانە بالا ەمىزۋ كەزىندە، بۇيرەك اۋرۋلارى مەن گيپوتيرەوز دياگنوزى بار جاندار دا ساقتىقپەن تۇتىنۋى ءتيىس.
ول ءتىس ەمالىنە دە اسەر ەتۋى مۇمكىن، سوندىقتان سارىمساق جەگەن سوڭ اۋىزدى تازا سۋمەن شايعان دۇرىس.
دارىگەرلەردىڭ ايتۋىنشا، كۇنىنە 1–2 سارىمساق جەۋ جەتكىلىكتى.
ەسكەرتۋ: بۇل ماتەريال اقپاراتتىق سيپاتتا بەرىلگەن. وزدىگىنەن ەمدەلۋ ءقاۋىپتى. دەنساۋلىعىڭىزعا قاتىستى كەز كەلگەن وزگەرىستى نەمەسە جاڭا ءونىمدى راسيونعا ەنگىزبەس بۇرىن دارىگەرمەن، ديەتولوگپەن نەمەسە باسقا دا مەديسينالىق مامانمەن كەڭەسىڭىز.
