Shymkentte Rýslan Berdenovke jasalǵan qarýly shabýyl qoǵamda úlken rezonans týdyrdy. Jýrnalist Botagóz Omarovanyń aitýynsha, kúdikti Ernar Jienbai – burynǵy prokýrordyń uly ári "Turǵyn úi Shymkent" JShS-niń basshysy, dep habarlaidy Dalanews.kz.
Onyń sózinshe, bul kompaniia qalada kópqabatty turǵyn úilerdi kúrdeli jóndeýden ótkizýge bólingen 3,4 milliard teńgeni tendersiz igergen.
"Rýslan Berdenovke oq atqan Ernar Jienbai kezdeisoq tulǵa emes. Ol – prokýrorlar otbasynda dúniege kelip, keiin "Turǵyn úi Shymkent" JShS-niń basshysy atanǵan. Eń bastysy bul kompaniia tender ótkizbesten-aq milliardtaǵan qarjyny iemdengen", - deidi ol.
Jýrnalistiń aitýynsha, 2024–2026 jyldarǵa arnalǵan jóndeý baǵdarlamasy aiasynda "Turǵyn úi Shymkent" kompaniiasyna memlekettik satyp alý rásiminsiz 3,4 mlrd teńge bólingen. Alaida josparlanǵan 22 úidiń tek 10-ynda ǵana jóndeý jumystary júrgizilgen. Qalǵan qarajattyń qaida jumsalǵany týraly naqty esep berilmegen.
Jýrnalisttiń aitýynsha, oqiǵaǵa deiingi on kún buryn qala ákimdiginde ótken jiynda Ernar Jienbaidan jumys esebi talap etilgen.
"Sol kezdesýde Berdenov qarajattyń naqty qaida jumsalǵanyn suraǵan. Jienbai jaýap bere almai, ashýǵa býlyqqan. Keiin ony zaldan shyǵaryp jibergen", – deidi Omarova.
Tergeý organdary bul isti qyzǵanyshtan týǵan qylmys emes, múmkin bolatyn qarjylai zańbuzýshylyqty jasyrý áreketi retinde qarastyryp jatyr. Omarova bul nusqamen kelisetinin aitty.
"Qyzǵanysh degen – tek jazany jeńildetý úshin oilap tabylǵan sebep. Mundai jaǵdaida shartty túrde bosap shyǵý da yqtimal. Al endi "asa iri kólemdegi qarjy jymqyrý" babymen sottalsa, jaza tym aýyr, 12 jyldan bastalady jáne shartty túrde bosap shyǵýǵa múmkindik joq. Sol sebepti Jienbai qazir barlyq tásilmen Rýslan Berdenovti qaralaýǵa tyrysyp jatyr. Tipti arandatý men jala jabýǵa deiin baryp jatqany baiqalady. Biraq qalai bolǵanda da, bul iske bailanysty taǵylǵan aiyp – óte aýyr. Endi barlyǵy sottyń ádildigine bailanysty. Degenmen, shynaiy sot tóreligin kútýge sebep az.
Birinshiden, Shymkenttegi zańsyzdyqtar men ádiletsizdikter týraly el arasynda aitylyp júrgen áńgime az emes. Ekinshiden, Ernar Jienbai — burynǵy prokýrordyń balasy. Al "burynǵy prokýror" degen uǵym bul júiede jai ǵana ataq emes...", - deidi ol.
Buǵan deiingi jaǵdai
Eske salaiyq, buǵan deiin Rýslan Berdenov sotqa kelýge mindettelgeni habarlandy. Sot otyrysynda sýdia Ábinur Qarabaev Rýslan Berdenovti 6 tamyzǵa josparlanǵan negizgi sot protsesine mindetti túrde qatysýǵa shaqyrdy.
Sebebi Rýslan Berdenov aldyn ala tyńdaýǵa ózi kelmegen edi. Onyń ókili Rýslan Berdenov em qabyldap jatqanyn málimdedi.
Ákimdik mańyndaǵy atys týraly
21 sáýirde Shymkent qalasy ákimdigi ǵimaraty mańynda atys boldy. Saldarynan Rýslan Berdenov jaraqat aldy. Artynsha kúdikti ustalyp, ýaqytsha ustaý izoliatoryna qamaldy, bul derek boiynsha qylmystyq is qozǵaldy.
Bul is boiynsha basty kúdikti - Ernar Jiembai. Ashyq formatta ótken aldyn ala tyńdaý kezinde sýdia Jiembaidyń sot protsesi barysynda ózin túsirýge qarsy ekenin jetkizdi.
