Aiyptalýshy Ernar Jienbai Rýslan Berdenovke ańshy myltyǵynan 5 ret oq atqan, dep habarlaidy Dalanews.kz.
Búgin prokýror aiyptaý qorytyndysyn jariialady. Oǵan sáikes, Ernar Jienbai ańshy myltyǵymen bes oq atyp, baqylaý jasaýǵa tyrysqan. Biraq onyń oqtary taýsylǵan.
Aiyptalýshy tergeý barysynda qysymǵa ushyraǵanyn málimdedi. Ol bul jóninde sotqa tiisti dálelder usynýǵa daiyn ekenin jetkizdi.
Sýdia Rýslan Berdenovtiń kelesi otyrysqa jeke qatysýyn qamtamasyz etýdi tapsyrdy.
Kelesi sot otyrysy 6 tamyzda saǵat 10:00-de ótedi.
Eske salaiyq, buǵan deiin Shymkent ákiminiń orynbasary Rýslan Berdenovke qastandyq jasaý deregi boiynsha tergeý aiaqtalǵanyn habarlaǵan edik.
Ákimdik mańyndaǵy atys týraly
21 sáýirde Shymkent qalasy ákimdigi ǵimaraty mańynda atys boldy. Saldarynan Rýslan Berdenov jaraqat aldy. Politsiia málimetinshe, kúdikti ustalyp, ýaqytsha ustaý izoliatoryna qamalǵan, bul derek boiynsha qylmystyq is qozǵalǵan.
