ايىپتالۋشى ەرنار جيەنباي رۋسلان بەردەنوۆكە اڭشى مىلتىعىنان 5 رەت وق اتقان، دەپ حابارلايدى Dalanews.kz.
بۇگىن پروكۋرور ايىپتاۋ قورىتىندىسىن جاريالادى. وعان سايكەس، ەرنار جيەنباي اڭشى مىلتىعىمەن بەس وق اتىپ، باقىلاۋ جاساۋعا تىرىسقان. ءبىراق ونىڭ وقتارى تاۋسىلعان.
ايىپتالۋشى تەرگەۋ بارىسىندا قىسىمعا ۇشىراعانىن مالىمدەدى. ول بۇل جونىندە سوتقا ءتيىستى دالەلدەر ۇسىنۋعا دايىن ەكەنىن جەتكىزدى.
سۋديا رۋسلان بەردەنوۆتىڭ كەلەسى وتىرىسقا جەكە قاتىسۋىن قامتاماسىز ەتۋدى تاپسىردى.
كەلەسى سوت وتىرىسى 6 تامىزدا ساعات 10:00-دە وتەدى.
ەسكە سالايىق، بۇعان دەيىن شىمكەنت اكىمىنىڭ ورىنباسارى رۋسلان بەردەنوۆكە قاستاندىق جاساۋ دەرەگى بويىنشا تەرگەۋ اياقتالعانىن حابارلاعان ەدىك.
اكىمدىك ماڭىنداعى اتىس تۋرالى
21 ساۋىردە شىمكەنت قالاسى اكىمدىگى عيماراتى ماڭىندا اتىس بولدى. سالدارىنان رۋسلان بەردەنوۆ جاراقات الدى. پوليسيا مالىمەتىنشە، كۇدىكتى ۇستالىپ، ۋاقىتشا ۇستاۋ يزولياتورىنا قامالعان، بۇل دەرەك بويىنشا قىلمىستىق ءىس قوزعالعان.
