Prezıdent Ákimshiliginiń jáne oblys ákiminiń kelisimi boıynsha Almaty oblysy polısıa departamentiniń bastyǵy laýazymyna polısıa general-maıory Serik Myrzaqululy Kúdebaev taǵaıyndaldy, dep habarlaıdy Dalanews.kz.
Polısıa general-maıory Urymhanov Murat Jáleluly kadr rezervine alyndy.
Polısıa departamentiniń jańa bastyǵyn jeke quramǵa İshki ister mınıstri Erlan Turǵymbaev tanystyrdy.
S.M.Kúdebaev 1965 jyly týǵan, ishki ister organdarynda 1990 jyldan bastap qyzmet etedi. Basshylyq laýazymdarda jumys tájirıbesi mol. 2009-2013 jyldary Almaty oblysynyń polısıa departamenti bastyǵynyń birinshi orynbasary, odan keıin bastyǵy bolyp jumys istedi.
2013 jyldyń qazan aıynan bastap Almaty qalasynyń polısıa departamentin basqardy.
Serik Kúdebaev 1965 jyly Almaty oblysynda týǵan.
Qazaq jáne orys tilderin meńgergen.
KSRO İİM Qaraǵandy joǵary mektebin bitirgen, mamandyǵy zańger.
Ár jyldary Almaty oblysy Jambyl aýdany Memlekettik tergeý komıtetiniń qylmystyq tergeý bóliminiń bastyǵy, Jambyl oblysy Krımınaldy polısıa basqarmasynyń bastyǵy, Qarasaı aýdandyq ishki ister basqarmasynda bastyq bolyp jumys istegen.
