«KTK» kórsetken siýjetke sensek, Parlament Senatynyń Tóraǵasy Toqaev Bilim ministri Sárinjipovten qazaqsha baiandama jasaýdy talap etken senator Eńsegenovti: «Zańǵa bailanysty suraq qoiý kerek, depýtat myrza. Sizdiń suraǵyńyzdyń zańǵa eshqandai bailanysy joq» dep basyp tastaǵan.
Kópshilik «KTK»-dan osyny kórdi. Sol-aq eken, «Qala men Dala» gazetiniń pochtasyna Toqaevtyń bul áreketin túsinbegen oqyrmandardan birneshe hat keldi.
Sol hattyń birin gazetimizge («Toqaevtyń munysy nesi?») jáne basylymnyń resmi saityna jariialaǵanbyz.
Shyny kerek, jaǵdaidyń dál osylai (nemese «KTK»-nyń kórsetkenindei) bolǵanyna biz de sengen edik. Alaida atalǵan maqala jaryq kórgen kúnniń ertesine-aq redaktsiiaǵa Jaýap hat keldi. Hattyń negizgi mazmunyna súiensek, «KTK» bolǵan jaidy «túrlendirip» kórsetken. Sensatsiia jasaýdy oilaǵan.
Sonymen, jaǵdai qalai bolǵan? Toqaevtyń tilge qarsy shyqqany ras pa?
Bilsek, senator Eńsegenovtyń ministr Sárinjipovke «memlekettik tilde baiandama jasaýdy siretip kettiń» dep renish bildirgeni ras. Biraq, budan keiin ol ministrge naqty suraq qoiǵan. Al «KTK» telearnasy senatordyń suraq qoiǵan sátin qiyp tastaǵan.
Eńsegenov qandai saýal qoiǵan sonda?
«Shetelde turatyn Qazaqstan azamattarynyń ul-qyzdary qandai standartpen bilim alyp jatyr?».
«Olar elge oralǵanda UBT tapsyryp, joǵary oqý oryndaryna túse ala ma, joq pa?» depti Eńsegenov.
Bizge kelgen jaýap hatqa qaraǵanda, Toqaev Eńsegenovty memlekettik tilde baiandama jasaýdy talap etkeni úshin emes, kóterilip otyrǵan taqyrypqa bailanysty suraq qoimaǵandyqtan toqtatqan.
Al «KTK»-nyń bul aralyqty nege qiyp tastaǵany túsiniksiz? Álde, Toqaevty «memlekettik tilge qarsy shyqty» dep kórsetkisi keldi me?
Al ministr múlde basqa baiandama jasaǵan. Sárinjipov «Qazaqstanda oqyp-toqyp jatqan ózge elderdiń azamattaryn kemsitýge qarsy budan jarty ǵasyr buryn qabyldanǵan halyqaralyq konventsiiany ratifikatsiialaý» týraly zańnamalyq ózgerister týraly baiandama jasapty.
Demek, zań jobasy bizge qatysty emes, kerisinshe bizdiń elde oqityn shetel azamattarynyń balalaryn qorǵaýǵa arnalǵan...
Eńsegenovtyń saýalyn estigen Senat Tóraǵasy: «Eńsegenov myrza, zańǵa bailanysty suraq qoiý kerek. Sizdiń suraǵyńyzdyń zańǵa eshqandai bailanysy joq», – deidi.
Sol arada Eńsegenov te ún qatady. «Men tórtinshi saýalmen shatastyryp aldym. Keshirim suraimyn», – deidi senator.
Bizge kelgen jaýap hatqa qaraǵanda, Toqaev Eńsegenovty memlekettik tilde baiandama jasaýdy talap etkeni úshin emes, kóterilip otyrǵan taqyrypqa bailanysty suraq qoimaǵandyqtan toqtatqan.
Al «KTK»-nyń bul aralyqty nege qiyp tastaǵany túsiniksiz? Álde, Toqaevty «memlekettik tilge qarsy shyqty» dep kórsetkisi keldi me?
Shyny kerek, biliktiń qazaq tiline degen kózqarasyn kópshilik jaqsy biledi. Sondyqtan, Sárinjipovten qazaqsha baiandama jasaýdy suraǵan senator Eńsegenovtyń sózi durys. Biraq mundai jaǵdaida syn sadaǵyna Toqaev emes, Sárinjipov iligý kerek edi...
Bálkim, Toqaevty muqatý arqyly reiting jinaýdy kózdegen shyǵar. Eger sony kózdese, olar oilaǵandaryna jetti. Toqaevty synaý arqyly saiasi múddelerin túgendep, iri toptardyń oiynyn qyzdyrýy da múmkin, aldaǵy sailaýdan soń bolatyn laýazymdyq talasta ony bilikke súikimsiz etýdi josparlaǵan bolsa she?.. Alty tilde erkin sóileitin Toqaev ana tilin de bir kisidei biledi.
Jýrnalist óz atyn shyǵarý úshin naqty jaǵdaidy burmalaýy da ǵajap emes.
Qalai bolsa da, mundai «ataq jinaý» úrdisi bizdi jaqsylyqqa aparmaidy...
Al FREDO
