AQSh-ta «Krokýs Siti Holl» kontsert zalyndaǵy teraktige qatysy bar dep tanylǵan Ózbekstan azamaty Muhammad Sharifýlla 20 jylǵa bas bostandyǵynan aiyryldy, dep habarlaidy dalanews.kz.
Is Virdjiniia shtatynyń Shyǵys okrýgi boiynsha federaldyq sotynda qaraldy.
AQSh Ádilet ministrliginiń málimetinshe, Sharifýlla birneshe jyl boiy «Islam memleketi» terroristik uiymynyń Aýǵanstandaǵy «Vilaiat Horasan» bólimshesine qoldaý kórsetken. Tergeý nusqasyna sáikes, ol 2016–2025 jyldar aralyǵynda atalǵan top uiymdastyrǵan onnan astam shabýylǵa qatysy bolǵan.
Ministrlik onyń terroristik uiym úshin barlaý júrgizgenin, jankeshtilerdi tasymaldaýǵa kómekteskenin, qarý-jaraqpen jumys istegenin jáne sodyrlar arasyndaǵy bailanysty úilestirgenin málimdedi.
Sondai-aq Sharifýlla teraktilerdi nasihattyq maqsatta paidalaný úshin videoǵa túsirýge qatysqan degen aiyp taǵylǵan.
Aita keteiik, 2024 jylǵy naýryzda Máskeý oblysyndaǵy «Krokýs Siti Holl» kontsert kesheninde bolǵan terakt saldarynan ondaǵan adam qaza taýyp, júzdegen adam jaraqat alǵan edi.
