Qazaqstan shilde aiynda munai eksportyn qaita baǵyttap, Kaspii qubyr konsortsiýmy jumysyndaǵy irkilisterdiń saldaryn azaitý úshin birqatar balama baǵyttar arqyly jetkizilim kólemin ulǵaitty, dep habarlaidy dalanews.kz.
Atap aitqanda, Atyraý — Samara baǵytymen jáne Qytaiǵa jóneltiletin munai kólemi artqan. Al ózge eksporttyq baǵyttar boiynsha tasymal josparlanǵan ortasha deńgeide saqtalǵan.
Eksport aǵyndaryn qaita bólý KQK-nyń Novorossiisk mańyndaǵy teńiz terminaly aýdanynda tankerlerge jasalǵan dron shabýyldary aiasynda júzege asqan. Osy oqiǵalar konsortsiým jumysyna áser etip, Qazaqstannyń munai jetkizý baǵyttaryn ýaqytsha qaita qaraýyna sebep boldy.
Sarapshylardyń pikirinshe, mundai jaǵdaida balama eksporttyq marshrýttardy paidalaný qazaqstandyq munaidyń syrtqy naryqtarǵa úzdiksiz jetkizilýin qamtamasyz etýge múmkindik beredi.
