Қазақстан шілде айында мұнай экспортын қайта бағыттап, Каспий құбыр консорциумы жұмысындағы іркілістердің салдарын азайту үшін бірқатар балама бағыттар арқылы жеткізілім көлемін ұлғайтты, деп хабарлайды dalanews.kz.
Атап айтқанда, Атырау — Самара бағытымен және Қытайға жөнелтілетін мұнай көлемі артқан. Ал өзге экспорттық бағыттар бойынша тасымал жоспарланған орташа деңгейде сақталған.
Экспорт ағындарын қайта бөлу КҚК-ның Новороссийск маңындағы теңіз терминалы ауданында танкерлерге жасалған дрон шабуылдары аясында жүзеге асқан. Осы оқиғалар консорциум жұмысына әсер етіп, Қазақстанның мұнай жеткізу бағыттарын уақытша қайта қарауына себеп болды.
Сарапшылардың пікірінше, мұндай жағдайда балама экспорттық маршруттарды пайдалану қазақстандық мұнайдың сыртқы нарықтарға үздіксіз жеткізілуін қамтамасыз етуге мүмкіндік береді.
