Qara teńizdegi Kaspii qubyr konsortsiýmy (KQK) terminaly búgin munai tieýdi qaita bastaidy. Bul týraly Reuters agenttigi derekkózderge silteme jasap habarlady, dep habarlaidy dalanews.kz.
Agenttiktiń málimetinshe, Reseidiń Novorossiisk qalasyna jaqyn ornalasqan Iýjnaia Ozereevkadaǵy KQK teńiz terminalynda munaidy tankerlerge tieý jumystary bir aptalyq úzilisten keiin qaita jandanady.
Eske salaiyq, buǵan deiin terminalda munaidy jóneltý ýaqytsha toqtatylǵan bolatyn. Reuters málimetinshe, tieý jumystarynyń qaita bastalýy qazaqstandyq munai eksportynyń qalypty rejimge oralýyna múmkindik beredi.
Kaspii qubyr konsortsiýmy arqyly Qazaqstan munaiynyń negizgi bóligi álemdik naryqqa eksporttalady. Sondyqtan terminaldaǵy kez kelgen irkilis qazaqstandyq munai jetkizilimine tikelei áser etedi.
