Qulsaryda qaýip áli seiilmegenin jergilikti turǵyndar áleýmettik jelidegi videolar arqyly taratyp jatyr, dep habarlaidy Dalanews.kz.
Sońǵy derekterge qaraǵanda, Qulsarydan kóshirilgen adam sany 30 myńǵa jýyqtaǵan. Al sýǵa ketken úiler men infraqurylym nysandary sany 3 myńǵa jýyqtaǵan.
Qulsaryǵa Premer-ministr Oljas Bektenov barǵan. Qulsarydaǵy sý tasqyny jaǵdaiyn tekserip, turǵyndardyń suraqtaryna jaýap bergen. Ol sý tasqynyna qarsy is-sharalardy úilestirý jáne sý tasqyny kezeńiniń saldaryn joiý jónindegi respýblikalyq shtabtyń jetekshisi. Atyraý oblysyndaǵy aǵymdaǵy jaǵdaidy tekserip, aýmaqty tikushaqpen aralap, ózen jaǵalaýlaryn nyǵaitý jumystarynyń barysyn qaraǵan.
Bektenov Qulsary qalasynyń turǵyndarymen sóilesip, olardyń qabyldanyp jatqan sharalardy kúsheitý boiynsha suraqtaryna jaýap bergen. Sondai-aq Jaiyq jáne Jem ózenderindegi jaǵdaimen tanysqan.
Jylyoi jáne Qyzylqoǵa aýdandarynda jergilikti aýqymdaǵy tabiǵi sipattaǵy TJ rejimi saqtalyp otyr.
Búginde Qyzylqoǵa aýdanyndaǵy Miialy, Aqqora, Jangeldin, Jasqairat jáne Kózdiqara aýyldarynda qaýip-qater seiilgen. Aqtóbe oblysy Oiyl aýdany jaǵynan Jem ózeni deńgeiiniń kóterilýine bailanysty Jylyoi aýdany Qulsary qalasyn sý basqan.
28 551 adam evakýatsiialanǵan.
Óńirde keletin sý azaitý kólemin azaitý úshin Jem ózeniniń saǵasy úsh jaǵynan qazyldy, sondai-aq Jem ózeniniń boiynda ornalasqan jasandy bógetter buzyldy. Bul ózen arnasynyń baǵytyn ózgertýge jáne sýdyń kedergisiz aǵýyn qamtamasyz etýge, onyń Kaspii teńizine qarai ótkizý qabiletin ulǵaitýǵa jáne sý tasqyny qaýpin azaitýǵa múmkindik beredi.
Óz kezeginde turǵyndar men volonterler turǵyn úi sektoryn sý basýyna jol bermeý boiynsha jumystar júrgizip jatyr.
