2017 jyldan beri Qaraǵailyda 22 turǵyn úi salyndy. Sóitip, 1549 páter qoldanysqa berildi. Qurylys jumystaryna «Turǵyn úi qurylys jinaq banki» men «Báiterek Development» holdinginen qarjy kózderi tartyldy. Oǵan jergilikti atqarýshy bilik organdary da qolushyn berdi.
2020 jyly jeti turǵyn úidiń qurylysyn bastaý týraly kelisimshartqa qol qoiyldy. Bul baspanany satyp alý quqyǵynsyz jaldamaly páter retinde paidalanýǵa jáne jekemenshikke ainaldyrýǵa bolady.
ShQO ákimi Danial Ahmetovtiń sheshimen Semeidegi «Qaraǵaily» yqsham aýdanynda qurylys jumystary bastalǵan bolatyn. Mundaǵy basty maqsat – turǵyn úi kezegin qysqartyp, óńir turǵyndarynyń baspanaly bolýyna múmkindik jasaý. 2025 jylǵa deiin 133 kópqabatty turǵyn úidi qoldanysqa berý josparlanýda. Budan bólek osy yqshamaýdanda úsh mektep pen alty balabaqsha salynady.
«Nurly Jol» baǵdarlamasy aiasynda aýdanda sý jáne jylýmen qamtamasyz etý magistraldary, sý tartý, telekommýnikatsiia jáne elektrmen jabdyqtaý jumystary tolyq júrgizilgen. 2016 jyly memlekettik-jekemenshik seriktestik aiasynda 120 oryndyq jataqhanasymen Nazarbaev intellektýaldyq mektebi men 320 oryndyq balabaqsha qoldanysqa berildi.
Qyrymbek Kósherbaev Semei qalasynyń damýyna oń baǵasyn berip, «Qaraǵaily» yqsham aýdany shaǵyn qalashyqqa ainalǵanyn atap ótti. Semei qalasyn damytýdyń keshendi josparynyń basty mindeti – qala turǵyndarynyń ómir sapasyn jaqsartý.
