Korporativtik volonterliktiń damýy elimizde qai deńgeide?
Korporativtik volonterlik qyzmet – kompaniianyń ózi de, sol siiaqty bógde úkimettik emes uiymdar (ÚEU), memlekettik-jekeshelik áriptestik (MJÁ), ózge de institýttar uiymdastyratyn qoǵamdyq paidaly maqsatqa baǵyttalǵan áleýmettik is-sharalarǵa qyzmetkerlerdi erikti negizde tartý.
Korporativtik volonterlik – bul uiym qyzmetkerleriniń óz kompaniiasynyń qoldaýymen túrli áleýmettik baǵdarlamalarǵa erikti túrde qatysýyn qamtamasyz etedi.
Atalǵan zertteýdiń maqsaty Qazaqstanda korporativtik volonterlikti damytýdyń oń tájiribelerin zerdeleý bolyp tabylady.
Sońǵy 8 ai ishinde Ulttyq volonterlik jeli Qazaqstan kompaniialary arasynda korporativtik volonterliktiń úzdik tájiribelerin zerttedi. Zertteýge korporativtik volonterlikti damytýǵa qatysy bar 100-den astam túrli kompaniialar qatysty. Saýalnamaǵa 400 korporativtik volonterler, 70 ÚEU ókilderi jáne korporativtik volonterlikke jetekshilik etetin 30-dan astam basshylar qatysypty. Bul qyzmetke negizinen iri biznes ókilderi tartylǵany anyqtaldy. Al shaǵyn jáne orta biznes is júzinde tartylmaǵan.
Konferentsiiada kelesi sessiialyq zaldarmen qatar baiandama (doklad) usynyldy:
– Búginde Qazaqstannyń korporativtik volonterlikti damytýda qandai kezeńde turǵanyn jáne kelesi deńgeige ótý úshin qandai qadamdar qajet ekenin túsinýge kómektesetin baiandamlar tyńdaldy. Zertteýdiń qorytyndylary men usynymdary múddeli tulǵalarǵa paidaly bolady dep oilaimyn. Óitkeni birlesken kúsh-jiger korporativtik volonterlikti damytýǵa jáne Qazaqstandaǵy volonterliktiń jańa deńgeiine qol jetkizýge yqpal etedi, – dep atap ótti QR Aqparat jáne qoǵamdyq damý ministrliginiń Azamattyq qoǵam isteri komitetiniń tóraǵasy Madiiar Dúisenbaiuly Qojahmet.
