كورپوراتيۆتىك ۆولونتەرلىك قىزمەت – كومپانيانىڭ ءوزى دە، سول سياقتى بوگدە ۇكىمەتتىك ەمەس ۇيىمدار (ۇەۇ)، مەملەكەتتىك-جەكەشەلىك ارىپتەستىك (ءمجا)، وزگە دە ينستيتۋتتار ۇيىمداستىراتىن قوعامدىق پايدالى ماقساتقا باعىتتالعان الەۋمەتتىك ءىس-شارالارعا قىزمەتكەرلەردى ەرىكتى نەگىزدە تارتۋ.
كورپوراتيۆتىك ۆولونتەرلىك – بۇل ۇيىم قىزمەتكەرلەرىنىڭ ءوز كومپانياسىنىڭ قولداۋىمەن ءتۇرلى الەۋمەتتىك باعدارلامالارعا ەرىكتى تۇردە قاتىسۋىن قامتاماسىز ەتەدى.
اتالعان زەرتتەۋدىڭ ماقساتى قازاقستاندا كورپوراتيۆتىك ۆولونتەرلىكتى دامىتۋدىڭ وڭ تاجىريبەلەرىن زەردەلەۋ بولىپ تابىلادى.
سوڭعى 8 اي ىشىندە ۇلتتىق ۆولونتەرلىك جەلى قازاقستان كومپانيالارى اراسىندا كورپوراتيۆتىك ۆولونتەرلىكتىڭ ۇزدىك تاجىريبەلەرىن زەرتتەدى. زەرتتەۋگە كورپوراتيۆتىك ۆولونتەرلىكتى دامىتۋعا قاتىسى بار 100-دەن استام ءتۇرلى كومپانيالار قاتىستى. ساۋالناماعا 400 كورپوراتيۆتىك ۆولونتەرلەر، 70 ۇەۇ وكىلدەرى جانە كورپوراتيۆتىك ۆولونتەرلىككە جەتەكشىلىك ەتەتىن 30-دان استام باسشىلار قاتىسىپتى. بۇل قىزمەتكە نەگىزىنەن ءىرى بيزنەس وكىلدەرى تارتىلعانى انىقتالدى. ال شاعىن جانە ورتا بيزنەس ءىس جۇزىندە تارتىلماعان.
كونفەرەنسيادا كەلەسى سەسسيالىق زالدارمەن قاتار بايانداما (دوكلاد) ۇسىنىلدى:
– بۇگىندە قازاقستاننىڭ كورپوراتيۆتىك ۆولونتەرلىكتى دامىتۋدا قانداي كەزەڭدە تۇرعانىن جانە كەلەسى دەڭگەيگە ءوتۋ ءۇشىن قانداي قادامدار قاجەت ەكەنىن تۇسىنۋگە كومەكتەسەتىن بايانداملار تىڭدالدى. زەرتتەۋدىڭ قورىتىندىلارى مەن ۇسىنىمدارى مۇددەلى تۇلعالارعا پايدالى بولادى دەپ ويلايمىن. ويتكەنى بىرلەسكەن كۇش-جىگەر كورپوراتيۆتىك ۆولونتەرلىكتى دامىتۋعا جانە قازاقستانداعى ۆولونتەرلىكتىڭ جاڭا دەڭگەيىنە قول جەتكىزۋگە ىقپال ەتەدى، – دەپ اتاپ ءوتتى ق ر اقپارات جانە قوعامدىق دامۋ مينيسترلىگىنىڭ ازاماتتىق قوعام ىستەرى كوميتەتىنىڭ ءتوراعاسى ماديار دۇيسەنباي ۇلى قوجاحمەت.
