Muny Tvitterdegi paraqshasynda Toqaevtyń ózi jazdy.
“Dúniejúzilik densaýlyq saqtaý uiymy koronavirýsty pandemiia dep jariialady. Úkimet arnaiy aldyn alý sharalaryn qolǵa alady. qoǵamdyq is-sharalar ýaqytsha toqtatylady. azamattar azyq-túlikpen jáne eń qajetti taýarlarmen úzdiksiz qamtylady. Shaǵyn jáne orta biznes zardap shekpeýi tiis” – dedi Memleket basshysy.
Budan bólek Qazaqstanda ótkiziletin barlyq sporttyq sharalarǵa shekteý qoiyldy.
Al saýda ortalyqtary qalypty jumys isteidi, ortalyqtardaǵy kinoteatrlar jumysyn toqtatady.
Kelesi aptadan bastap oqýshylar men stýdentter kanikýlǵa shyǵady (16 naýryzdan 5 sáýirge deiin).
Dúniejúzilik densaýlyq saqtaý uiymy koronavirýsty indet (pandemiia) dep tanydy. 11 naýryzdaǵy jaǵdai boiynsha álemde jańa koronavirýstyq infektsiiany juqtyrǵandardyń jalpy sany 114 elde 118 myń adamdy qurady. 4291 naýqas qaitys boldy.
“Qazaqstanda ázirge koronavirýs tirkelgen joq. Barlyq saqtyq sharalaryn qabyldap, saqadai-sai otyrmyz”, – dedi osyǵan orai ótken brifingte Premer-ministrdiń orynbasary Eraly Toǵjanov.
Budan bólek ol biylǵy Naýryz merekesi koronavirýsqa bailanysty buqaralyq deńgeide toilanbaitynyn aitty.
“Adamdardyń úi-úidi aralap, bir-birin merekemen quttyqtaýyna shekteý qoia almaimyz. Áitse de biyl Naýryz merekesin buqaralyq oryndarda, onyń ishinde adam qarasy kóp jinalatyn jerde toilaýǵa tyiym salamyz. Azamattar ózin ǵana emes, otbasyn da oilaýy kerek, qaýipsizdik basty orynda”, – deidi Toǵjanov.
Koronavirýsqa bailanysty “Nur Otan” Saiasi keńesiniń otyrysy ótpeýi múmkin be?
Budan buryn Nazarbaev partiianyń Saiasi keńesiniń otyrysy 18 naýryzǵa belgilengenin aitqan. Osy jiynda “Nur Otan” partiiasynan Májilistiń jáne barlyq deńgeidegi máslihattardyń sailaýaldy partiialyq tizimderine kandidattar anyqtalady dep josparlanǵan.
– Partiia basshylyǵy, Májilis pen máslihat depýtattary jergilikti jerlerdi aralaýǵa tiis, sonyń ishinde, shalǵai aýdandarǵa barýy kerek. Adamdarmen kezdesip, problemalardy jan-jaqty zerdeleý, olardy sheshý mańyzdy. Bul máselelerdiń barlyǵy óńirlik partiia baǵdarlamalarynda kórinis tabýy qajet, – degen bolatyn budan buryn osy otyrystyń kún tártibin talqylaǵan Nazarbaev.
Saiasatker Muhtar Taijannyń pikirinshe koronovirýs qaýpine bailanysty “Nur Otan” partiiasy Saiasi keńesiniń otyrysyn ótkizbeý kerek.
“Biz el tizginin ustaǵan asyl azamattardyń densaýlyǵyna qater tóndirip, basyn báigege tikkenin qalamaimyz. Qaidan bilesiz, áldebireý osy otyrysqa enip ketip, ádeiilep túshkirip, jótelýi ábden múmkin…”, – deidi ázil-shyny aralas Muhtar Taijan.
Qazirgi kúni bileýshi partiianyń 1 mln-ǵa tarta múshesi bar. Partiia tóraǵasy – Nursultan Nazarbaev, onyń birinshi orynbasary – Baýyrjan Baibek.
Naýryzdyń 30-y men 16-shy mamyr aralyǵynda eldiń barlyq óńirlerindegi partiia músheleri jappai irikteledi. Osy arqyly saiasi partiia kúrmeýi kóp máselelerdi sheshetin eń belsendi jáne senimdi múshelerin tańdap almaqshy.
Nazarbaev budan buryn “Nur Otannyń” elge bergen ýádesin oryndaitynyn aitqan.
Saiasi biýronyń quramyna myna azamattar kiredi:
Qasym-Jomart Toqaev, Prezident;
Dariǵa Nazarbaeva, Senat tóraǵasy;
Nurlan Nyǵmatýlin, Májilis tóraǵasy;
Asqar Mamin, Úkimet basshysy;
Baýyrjan Baibek, Nur Otan partiiasy tóraǵasynyń birinshi orynbasary;
Áset Isekeshev, prezident ýáziri – Qaýipsizdik keńesiniń hatshysy;
Marat Tájin, Qazaqstannyń Chehiiadaǵy elshisi;
Natalia Godýnova, Esep komitetiniń tóraǵasy;
Darhan Qydyráli, “Egemen Qazaqstan” gazeti basqarma tóraǵasy;
Aleksandr Pavlov “Qazaqstan Ulttyq bank” direktorlar keńesiniń tóraǵasy;
Dáýlet Káribek, Nur-Sultan qalasy Jastar saiasaty jónindegi basqarma basshysy.
